ರಾಮನಾಥಪುರ-ಗುರು ರಾಘವೇಂದ್ರ ಸ್ವಾಮಿಗಳ ಪರಮ ಭಕ್ತ ನಾನು ನನ್ನ ಎಲ್ಲ ಅಭೀಷ್ಟೆಗಳನ್ನು ರಾಯರು ಅನುಗ್ರಹಿಸಿದ್ದಾರೆ ಎಂದು ಶಾಸಕ ಎ ಮಂಜು ಹೇಳಿದರು.
ಪಟ್ಟಣದ ಶ್ರೀ ರಾಘವೇಂದ್ರ ಮಠದಲ್ಲಿ ನಡೆದ ರಾಯರ 353 ನೇ ವಾರ್ಷಿಕ ಅರಾಧನಾ ಮಹೋತ್ಸವದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.
ಗುರು ರಾಯರ ನಂಬಿದರೆ ಸಂಕಷ್ಟಗಳಿಲ್ಲ.ತನ್ನನ್ನು ನಂಬಿ ಬರುವ ಭಕ್ತರನ್ನು ಅವರೆಂದು ಕೈ ಬಿಡುವುದಿಲ್ಲ ನನಗೆ ಸಾಕಷ್ಟು ಅನುಭವಗಳಾಗಿವೆ.ಯಾರಿಗೆ ಯಾವ ಸಮಯದಲ್ಲಿ ಏನನ್ನು ಕೊಡಬೇಕು ಎಂದು ಅವರಿಗೆ ಗೊತ್ತು.ರಾಯರು ರಾಜ್ಯದ ಹಾಗು ನನ್ನ ಕ್ಷೇತ್ರದ ಜನತೆಯ ಎಲ್ಲಾ ದುಗುಡ ದುಮ್ಮಾನಗಳ ದೂರ ಮಾಡಲಿ ಎಂದು ಪ್ರಾರ್ಥಿಸಿದ್ದೇನೆ ಎಂದರು.
ಶಾಸಕ ಎ. ಮಂಜು ಅವರನ್ನು ವೆ,ಕನಕಚಾರ್ಯರು ಗೌರವಿಸಿದರು.
ಈ ಸಂದರ್ಭದಲ್ಲಿ ರಾಮನಾಥಪುರ ಗ್ರಾಮ ಪಂಚಾಯತಿ ಮಾಜಿ ಅಧ್ಯಕ್ಷ ಅರ್.ಎಸ್.ನರಸಿಂಹಮೂರ್ತಿ,ಜಿಲ್ಲಾ ಕುರುಬ ಸಮಾಜದ ಮುಖಂಡ ಮುತ್ತಿಗೆ ರಾಜೇಗೌಡರು,ಕಾವೇರಿ ನದಿ ಸ್ವಚ್ಚತಾ ಆಂದೋಲನ ಸಮಿತಿಯ ತಾಲ್ಲೂಕು ಅಧ್ಯಕ್ಷ ಸಿದ್ದರಾಜು,ಸದಸ್ಯಪ್ರವೀಣ್ ಮುಂತಾದವರು ಇದ್ದರು.
———————ಶಶಿಕುಮಾರ್ ಕೆಲ್ಲೂರು