ಹಾಸನ-ತ್ರಿವಿದ ದಾಸೋಹ ಪ್ರಾರಂಭಿಸುವ ಮೂಲಕ ಶ್ರೀ ಮಠದ ಪರಮ ಪೂಜ್ಯ ಜಗದ್ಗುರುಗಳಾದ ಡಾ.ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮಿಗಳು ಕೋಟ್ಯಾಂತರ ಮಕ್ಕಳ ಬೆಳಕಾಗಿದ್ದಾರೆ ಎಂದು ತಣ್ಣೀರು ಹಳ್ಳ ಮಠದ ಮಠಾಧೀಶರಾದ ಶ್ರೀ ವಿಜಯ ಕುಮಾರ್ ಸ್ವಾಮಿಜಿ ಹೇಳಿದರು.
ಇಂದು ಮಠದ ಪ್ರಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿದ್ದ ಡಾ. ಶಿವರಾತ್ರಿ ರಾಜೇಂದ್ರ ಮಹಾಸ್ವಾಮಿಗಳ 109 ನೇ ಜಯಂತಿ ಪೂಜಾ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.
ಪೂಜ್ಯ ಸ್ವಾಮಿಜಿಯರವರು ಧಾರ್ಮಿಕವಾಗಿ,ಸಾಮಾಜಿಕವಾಗಿ,ಶೈಕ್ಷಣಿಕವಾಗಿ ಮಾಡಿದಂತಹ ಸೇವೆಗಳು ನಮ್ಮಂತ ಹವರಿಗೂ ಇಂದಿಗೂ ನಾಳೆಗೂ ಮುಂದಿಗೂ ದಾರಿದೀಪವಿದ್ದಂತೆ ಎಂದು ತಿಳಿಸಿದರು.
ಕಾರ್ಯಕ್ರಮದಲ್ಲಿ ಚಂಗಡಹಳ್ಳಿ ವೀರಕ್ತ ಮಠದ ಶ್ರೀ ಬಸವ ಮಹಾಂತ ಸ್ವಾಮೀಜಿ,ಹಾಸನ ತಾಲ್ಲೂಕು ಅಖಿಲ ಭಾರತ ವೀರಶೈವ ಮಹಾಸಭಾದ ಅಧ್ಯಕ್ಷರಾದ ಕಟ್ಟಾಯ ಶಿವಕುಮಾರ್,ತಣ್ಣೀರು ಹಳ್ಳ ಮಠದ ವಿಧ್ಯಾ ಸಂಸ್ಥೆಯ ಕಾರ್ಯದರ್ಶಿ ಸೋಮಣ್ಣ,ಶಂಕರ್,ಭಕ್ತರು, ವಿದ್ಯಾರ್ಥಿಗಳು ಭಾಗವಹಿಸಿದ್ದರು.
——————ಶಶಿಕುಮಾರ್ ಕೆಲ್ಲೂರು