ಮೂಡಿಗೆರೆ-ಹೊಯ್ಸಳ ಕ್ರೀಡಾಂಗಣದಲ್ಲಿ ಆಯೋಜಿಸಿದ್ದ ತಾಲ್ಲೂಕು ಮಟ್ಟದ ದಸರಾ ಕ್ರೀಡಾಕೂಟದಲ್ಲಿ ಬಣಕಲ್ ಆಲಿಫ್ ಸ್ಟಾರ್ ವಾಲಿಬಾಲ್ ತಂಡದವರು ಪ್ರಥಮ ಸ್ಥಾನ ಪಡೆದು ಜಿಲ್ಲಾ ಮಟ್ಟಕೆ ಆಯ್ಕೆಗೊಂಡಿದ್ದಾರೆ.
ರಶೀದ್,ಆದಿಲ್,ಕಿರಣ್, ರೀಫದ್, ಕಿಶೋರ್, ಸೂಹೆಲ್ ತಂಡದಲ್ಲಿದ್ದರು.
ಬಣಕಲ್ ವಾಲಿಬಾಲ್ ತಂಡ ಹಲವಾರು ವರ್ಷಗಳಿಂದ ಟ್ರೋಫಿಗಳನ್ನು ಗೆಲ್ಲುತ್ತಾ ತನ್ನ ಇರುವಿಕೆಯನ್ನು ತೋರ್ಪಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ .
ಬಣಕಲ್ ವಾಲಿಬಾಲ್ ಎಂದಾಕ್ಷಣ ಮೊದಲಿಗೆ ನೆನಪಾಗುವುದೇ ವಾಲಿಬಾಲ್ ನ ಸೂಪರ್ ಸ್ಟಾರ್ ಕ್ರೀಡಾಪಟು ರಿಯಾಜ್ ಆಲಿ ಎಂಬ ವ್ಯಕ್ತಿ.ಬಣಕಲ್ ವಾಲಿಬಾಲ್ ಗೆ ಇವರು ಮುಕುಟವಿದ್ದಂತೆ ಎಂದರು ತಪ್ಪಾಗಲಾರದು.ಇಂದಿಗೂ ಬಣಕಲ್ ವಾಲಿಬಾಲ್ ತಂಡ ಎಲ್ಲೇ ಹೋದರು ಬಣಕಲ್ ವಾಲಿಬಾಲ್ ಹೆಸರು ನೆನಸಿಕೊಳ್ಳುವ ಹಾಗೆ ಮಾಡಿರುವ ಶ್ರೇಯ ಇವರಿಗೆ ಸಲ್ಲುತ್ತದೆ.
ಬಣಕಲ್ ಯುವಕರ ತಂಡ ತಾಲ್ಲೂಕು ಮಟ್ಟದಲ್ಲಿ ಉತ್ತಮ ಪ್ರದರ್ಶನ ತೋರಿ ಜಿಲ್ಲಾ ಮಟ್ಟಕ್ಕೆ ಆಯ್ಕೆಗೊಂಡಿದ್ದಾರೆ.ಜಿಲ್ಲಾ ಮಟ್ಟದಲ್ಲಿ ಉತ್ತಮ ಪ್ರದರ್ಶನ ನೀಡಿ ರಾಜ್ಯಮಟ್ಟಕ್ಕೆಆಯ್ಕೆಗೊಂಡು ಯಶಸ್ಸು ಪಡೆಯುವಂತಾಗಲಿ ಎಂಬುದೇ ಗ್ರಾಮಸ್ಥರ ಆಶಯವಾಗಿದೆ.
———————-ಸೂರಿ ಬಣಕಲ್