ಬಣಕಲ್-ಮುಖ್ಯ ರಸ್ತೆಯಲ್ಲಿ ಪಾದಚಾರಿ ಮಾರ್ಗದಲ್ಲಿರುವ ವಿದ್ಯುತ್ ಟ್ರಾನ್ಸ್ ಫಾರ್ಮರ್ ಸ್ಥಳಾಂತರಿಸಿ ಎಂದು ಮೆಸ್ಕಾಂ ಅಧಿಕಾರಿಗಳನ್ನು ಬಣಕಲ್ ಗ್ರಾಮಸ್ಥ ಮುಖಂಡ ಬಿ.ಎಸ್.ವಿಕ್ರಂ ಒತ್ತಾಯಿಸಿದ್ದಾರೆ.
ವಿದ್ಯುತ್ ಟ್ರಾನ್ಸ್ ಫಾರ್ಮರ್ ಅನ್ನು ಪಾದಚಾರಿ ಮಾರ್ಗದಲ್ಲಿ ಅಳವಡಿಸಿದ್ದು ಅದರ ಚೇಂಜ್ ಒವರ್ ಮಾಡುವ ಸಲಾಕೆ ಅನೇಕರ ತಲೆಗೆ ಹೊಡೆದು ಗಾಯಗಳಾಗುತ್ತಿವೆ.
ಮುಖ್ಯ ರಸ್ತೆ ವಿಸ್ತರಣೆಗು ಮೊದಲು ಅದು ಎತ್ತರದಲ್ಲಿ ಇತ್ತು.ಆದರೆ ರಸ್ತೆ ವಿಸ್ತರಣೆ ನಂತರ ರಸ್ತೆ ಎತ್ತರವಾಗಿರುವುದರಿಂದ ಅನೇಕರಿಗೆ ಇದರಿಂದ ತೊಂದರೆಯಾಗಿದೆ.
ಒಂದು ವೇಳೆ ಟ್ರಾನ್ಸ್ ಫಾರ್ಮರ್ ನಲ್ಲಿ ವಿದ್ಯುತ್ ಅವಘಡ ಏನಾದರು ಸಂಭವಿಸಿದರೆ ಅಥವಾ ವಿದ್ಯುತ್ ಪ್ರವಹಿಸಿದರೆ ಜನ ಪ್ರಾಣ ಕಳೆದುಕೊಳ್ಳುವ ಸಾಧ್ಯತೆಗಳಿವೆ.
ಒಟ್ಟಾರೆ ಏನಾದರೊಂದು ಸಮಸ್ಯೆ ಸೃಷ್ಟಿಯಾಗುವ ಮುಂಚೆ ಈ ವಿದ್ಯುತ್ ಟ್ರಾನ್ಸ್ ಪಾರ್ಮರ್ ಅನ್ನು ಬದಿಗೆ ಸ್ಥಳಾಂತರಿಸಬೇಕು ಎಂದು ಬಿ.ಎಸ್.ವಿಕ್ರಂ ಆಗ್ರಹಿಸಿದ್ದಾರೆ.
——————-ಆಶಾ ಸಂತೋಷ್