ಹೊಳೆನರಸೀಪುರ-ಪಟ್ಟಣದ ದೇವಾಂಗ ಬಡಾವಣೆಯಲ್ಲಿ ನೂತನವಾಗಿ ನಿರ್ಮಿಸಿರುವ ಚೌಡೇಶ್ವರಿ ದೇವಿ ದೇವಸ್ಥಾನಕ್ಕೆ ದಿವಂಗತ ಟಿ. ನಂಜಪ್ಪ ಅವರ ಪುತ್ರ ದೇವಾಂಗ ಸಂಘದ ಮಾಜಿ ಅಧ್ಯಕ್ಷ ಎಚ್.ಎನ್. ವೆಂಕಟರಮಣ್ಣಯ್ಯ ಮತ್ತು ಮಕ್ಕಳು ದೇವಿಗೆ ಅಲಂಕರಿಸಲು ಬೆಳ್ಳಿಕಿರೀಟ,ಬೆಳ್ಳಿ ಕಿವಿ ಹಾಗೂ ಹೆಣ್ಣುಮಕ್ಕಳು ಬೆಳ್ಳಿಖಡ್ಗವನ್ನು ಕಾರ್ತೀಕಮಾಸದ ಮೊದಲ ಮಂಗಳವಾರ ದೇವಿಗೆ ಸಮರ್ಪಿಸಿದರು.
ಇವುಗಳಿಗೆ 2.92 ಲಕ್ಷ ವೆಚ್ಚವಾಗಿದ್ದು ಸಮಿತಿಯ ಸದಸ್ಯರು ಇವುಗಳನ್ನು ಪಡೆದು ಅರ್ಚಕ ವಿಘ್ನೇಶ್ವರಭಟ್ ಅವರಿಗೆ ನೀಡಿದರು.ಇವುಗಳನ್ನು ಸ್ವೀಕರಿಸಿದ ಅರ್ಚಕರು ಅವುಗಳಿಗೆ ಪೂಜಾ ವಿಧಿ ವಿಧಾನಗಳನ್ನು ನೆಡೆಸಿದರು.
ಚೌಡೇಶ್ವರಿಗೆ ಪಂಚಾಮೃತ ಅಭಿಷೇಕ, ವಿಶೇಷ ಅಲಂಕಾರ, ನೈವೇಧ್ಯ, ತಥಿ ಆರಾಧನೆ ಸೇವೆ, ಸಹಸ್ರನಾಮಾರ್ಚನೆ ಮಹಾಮಂಗಳಾರತಿ ನೆರವೇರಿಸಿ ಭಕ್ತರಿಗೆ ತೀರ್ಥ ಪ್ರಸಾದ ವಿತರಿಸಲಾಯಿತು.
ಹಿರಿಯ ಅರ್ಚಕರಾದ ವಿಗ್ನೇಶ್ವರಭಟ್ ಅವರು ಪೂಜಾ ವಿಧಿ ವಿಧಾನ ನೆರವೇರಿಸಿದರು. ದೇವಾಂಗ ಸಮಿತಿಯ ಸದಸ್ಯರಾದ ಎ.ಜಗನ್ನಾಥ್, ತಮ್ಮಣ್ಣಶೆಟ್ಟಿ, ಎ.ಸೋಮಶೇಖರ್, ಈಶ್ವರ್, ಎಚ್.ವಿ.ರಾಘವೇಂದ್ರ, ವೀಣಾ, ರೇಖಾ ಸುರೇಶ್, ಶೈಲಜಾ ರವಿಕುಮಾರ್, ಪ್ರಗತಿ, ಇತರರು ಭಾಗವಹಿಸಿದ್ದರು.
——————ವಸಂತ್ ಕುಮಾರ್