ತುಮಕೂರು:ಜಿಲ್ಲಾ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತರಾದ ನಗರದ ಶ್ರೀ ಸಿದ್ಧಾರ್ಥ ತಾಂತ್ರಿಕ ಮಹಾವಿದ್ಯಾಲಯದ ದೈಹಿಕ ಶಿಕ್ಷಣ ನಿರ್ದೇಶಕರಾದ ನಿರ್ದೇಶಕ ರುದ್ರೇಶ್.ಕೆ.ಆರ್. ಅವರನ್ನು ಕಾಲೇಜಿನಲ್ಲಿ ಸನ್ಮಾನಿಸಿ,ಅಭಿನಂದಿಸಲಾಯಿತು.
ಕಾಲೇಜಿನ ಆಡಳಿತ ಸಭಾಂಗಣದಲ್ಲಿ ರುದ್ರೇಶ್ ಅವರನ್ನು ಅಭಿನಂದಿಸಿ ಮಾತನಾಡಿದ, ಪ್ರಾಂಶುಪಾಲರಾದ ಡಾ.ಎ.ಎಸ್.ರವಿಪ್ರಕಾಶ್ ಅವರು, ತುಮಕೂರು ಜಿಲ್ಲೆಯ ಹಿರಿಯ ಹಾಕಿ ಕ್ರೀಡಾಪಟು ಕರ್ನಾಟಕ ರಾಜ್ಯ ತಂಡವನ್ನು ಅನೇಕ ಬಾರಿ ಪ್ರತಿನಿಧಿಸಿರುವ ಕ್ರೀಡಾಪಟುವಿಗೆ ದೊರೆತ ಗೌರವ, ಕಾಲೇಜಿಗೆ ಸಂದoತಾಗಿದೆ.ಇವರಿಗೆ ದೊರೆತಿರುವ ಪ್ರಶಸ್ತಿ ವಿದ್ಯಾರ್ಥಿಗಳಲ್ಲಿ ಇನ್ನಷ್ಟು ಕ್ರೀಡಾ ಸ್ಪೂರ್ತಿ ಮನೋ ಭಾವವನ್ನು ಹೆಚ್ಚು ಮಾಡಲಿ ಎಂದು ಆಶಿಸಿದರು.
ಶೈಕ್ಷಣಿಕ ವಿಭಾಗದ ಡೀನ್ ಡಾ.ರೇಣುಕಲತಾ ಎಸ್, ವಿದ್ಯಾರ್ಥಿ ಕ್ಷೇಮಾಪಾಲನಾ ವಿಭಾಗದ ಡೀನ್ ಡಾ.ಮಂಜುಳಾ ವೈ,ಪ್ರಾಧ್ಯಾಪಕರಾದ ಡಾ.ವೆಂಕಣ್ಣಗೌಡರ್,ಕಾಲೇಜಿನ ವ್ಯವಸ್ಥಾಪಕರಾದ ಸೈಯದ್ ಅಮಾನುಲ್ಲಾ ಅವರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.