ಅರಕಲಗೂಡು-ಪೌರ ಕಾರ್ಮಿಕರ ದಿನಾಚರಣೆ ಪ್ರಯುಕ್ತ ಶ್ರೀ ಗಣಪತಿ ಸೇವಾ ಸಮಿತಿಯ ವತಿಯಿಂದ ಪೌರ ಕಾರ್ಮಿಕರನ್ನು ಸನ್ಮಾನಿಸಿ ಗೌರವಾಸಿಸಲಾಯಿತು.
ಅಧ್ಯಕ್ಷರಾದ ಪ್ರವೀಣ್ ರವರು ಮಾತನಾಡಿ ಮಳೆ-ಗಾಳಿ-ಬಿಸಿಲೆನ್ನದೆ ನಮ್ಮ ನಗರವನ್ನು ಸ್ವಚ್ಛವಾಗಿಡಲು ಶ್ರಮಿಸುವ ಪೌರ ಕಾರ್ಮಿಕರ ಸೇವೆ ಅನನ್ಯವಾದದ್ದು.ಸಾರ್ವಜನಿಕರ ಆರೋಗ್ಯ ಕಾಪಾಡುವಲ್ಲಿ ಪೌರ ಕಾರ್ಮಿಕರ ಪಾತ್ರ ಅಪಾರವಾದದ್ದು.ಅವರನ್ನು ಪೌರ ಕಾರ್ಮಿಕರ ದಿನದಂದು ಗೌರವಿಸಲು ನಮಗೆ ಸಂತೋಷವಾಗುತ್ತಿದೆ ಎಂದರು.
ಈ ಸಂದರ್ಭದಲ್ಲಿ ನಾಟ್ಯ ಲೋಕ ತಂಡದವರು ಭರತನಾಟ್ಯ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು.ಪೌರ ಕಾರ್ಮಿಕರಿಗೆ ಸಮಿತಿಯ ವತಿಯಿಂದ ಅನ್ನಸಂತರ್ಪಣ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.
ಸಮಿತಿಯ ಗೌರವಾಧ್ಯಕ್ಷ ಬಾಲು,ವ್ಯವಸ್ಥಾಪಕ ಕಾರ್ಗಲ್ ಯೋಗೇಶ್, ರಮೇಶ್ ವಾಟಾಳ್, ರವಿಕುಮಾರ್, ಚಂದ್ರು, ನವೀನ್, ಪುನೀತ್, ಮನು, ಧರ್ಮ, ವಿಜಿಕುಮಾರ್, ಶ್ರೀಧರ್, ಮತ್ತಿತರರು ಹಾಜರಿದ್ದರು.
——————ಶಶಿಕುಮಾರ್ ಕೆಲ್ಲೂರು