ಅರಕಲಗೂಡು, ಮೇ 21 – ತಾಲೂಕಿನ ಮದಲಾಪುರ ಗ್ರಾಮದಲ್ಲಿ ಬುಧವಾರ ಬೆಳಗ್ಗೆ ನುಗ್ಗಿದ ಒಂಟಿ ಕಾಡಾನೆ ಗ್ರಾಮಸ್ಥರಲ್ಲಿ ಭೀತಿಯ ವಾತಾವರಣವನ್ನು ಸೃಷ್ಟಿಸಿದೆ. ಮಂಗಳವಾರ ರಾತ್ರಿ ಗ್ರಾಮದಲ್ಲಿ ಕಾಣಿಸಿಕೊಂಡಿದ್ದ ಕಾಡಾನೆ, ರಾತ್ರಿಯಿಡೀ ಗ್ರಾಮದ ಸುತ್ತಮುತ್ತ ಬೀಡು ಬಿಟ್ಟಿದ್ದು, ಬುಧವಾರ ಬೆಳಗ್ಗೆ ಲೊಕೇಶ್ ಅವರ ಕಾಫಿ ತೋಟದತ್ತ ಸಾಗಿತು.
ತೋಟದಲ್ಲಿ ನಿಂತ ಆನೆಗೆ ಗ್ರಾಮಸ್ಥರು ಕಿರುಚಿ ಕದಲಿಸಿದಾಗ, ಗಾಬರಿಗೊಂಡ ಆನೆ ಮನೆಯ ಮುಂದೆ ನಿಂತಿದ್ದ ಬೈಕ್‌ ಅನ್ನು ತುಳಿದು ಧ್ವಂಸಗೊಳಿಸುವ ಹಂಗು ತಂದಿತು. ಕೆಲ ಕಾಲ ಜನವಸತಿ ಪ್ರದೇಶದಲ್ಲಿ ಅಡ್ಡಾಡಿದ ಆನೆ, ಹಳ್ಳಿಗರು ಕೂಗಾಟ ಆರಂಭಿಸಿದ ನಂತರ ತೋಟದ ಕಡೆಗೆ ಹಿಂತಿರುಗಿತು. ಈ ಸಂದರ್ಭ ಗ್ರಾಮಸ್ಥರು ಭಯಭೀತರಾದವರು ಮನೆಯೊಳಗೆ ಶರಣಾದರು.
ಸುದ್ದಿ ತಿಳಿಯುತ್ತಿದ್ದಂತೆಯೇ ಅರಣ್ಯ ಇಲಾಖೆ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಆನೆಯನ್ನು ಕಾಡಿಗೆ ತಿರಿಗಿಸಲು ಕ್ರಮ ಆರಂಭಿಸಿದ್ದಾರೆ. ಕಳೆದ ಕೆಲವು ತಿಂಗಳಿನಿಂದ ಈ ಭಾಗದಲ್ಲಿ ಆಹಾರಕ್ಕಾಗಿ ಅಲೆದಾಡುತ್ತಿರುವ ಕಾಡಾನೆಗಳು ಕಾಫಿ ತೋಟಗಳಿಗೆ ನುಗ್ಗಿ ಬೆಳೆ ನಾಶ ಪಡಿಸುತ್ತಿರುವ ಪ್ರಕರಣಗಳು ಪುನರಾವೃತವಾಗುತ್ತಿವೆ.
ಮದಲಾಪುರ ಗ್ರಾಮಪಂಚಾಯಿತಿ ಮಾಜಿ ಅಧ್ಯಕ್ಷ ಎಂ.ಆರ್. ರಂಗಸ್ವಾಮಿ ಮಾತನಾಡುತ್ತಾ, “ಗ್ರಾಮದ ಜನರ ಜೀವ ಮತ್ತು ಜೀವನೋಪಾಯಕ್ಕೆ ನಿರಂತರ ಭೀತಿಯ ಸ್ಥಿತಿ ಉಂಟಾಗಿದೆ. ಇದಕ್ಕೆ ಶಾಶ್ವತ ಪರಿಹಾರ ಕೈಗೊಳ್ಳಬೇಕಾಗಿದೆ,” ಎಂದು ಸರ್ಕಾರವನ್ನು ಆಗ್ರಹಿಸಿದರು.
ಗ್ರಾಮಸ್ಥರು ಪ್ರತಿದಿನ ಬೆಳ್ಳಂಬೆಳಗ್ಗೆ ತೋಟಗಳಿಗೆ ತೆರಳಲು ಹೆದರುವ ಸ್ಥಿತಿ ನಿರ್ಮಾಣವಾಗಿದ್ದು, ಕಾಡಾನೆ ಆತಂಕದ ನಡುವೆಯೇ ಬದುಕು ಸಾಗಿಸುತ್ತಿದ್ದಾರೆ.
-ಶಶಿಕುಮಾರ