ಬಣಕಲ್-ನಮ್ಮ ಮತ ಕ್ಷೇತ್ರದಾದ್ಯಂತ ರಸ್ತೆಗಳ ಅಭಿವೃದ್ಧಿಗೆ ಕ್ರಮಕೈಗೊಳ್ಳಲಾಗಿದ್ದು ಹಂತಹಂತವಾಗಿ ಕಾಮಗಾರಿ ನಡೆಸುವುದಾಗಿ ಶಾಸಕಿ ನಯನ ಮೋಟಮ್ಮ ತಿಳಿಸಿದರು.
ಕಳೆದ 30ವರ್ಷಗಳಿಂದ ಡಾಂಬರಿಕರಣ ಕಾಣದೆ ಹದಗೆಟ್ಟಿದ್ದ ಬಣಕಲ್ ಮತ್ತಿಕಟ್ಟೆ ಮುಖ್ಯರಸ್ತೆ ಯಿಂದ ಸಂತೆ ಶುಭಾಷ್ ನಗರಕ್ಕೆ ಸಂಪರ್ಕ ಕಲ್ಪಿಸುವ ರಸ್ತೆ, ಹಾಗು ಮತ್ತಿಕಟ್ಟೆ ಮುಖ್ಯರಸ್ತೆ ಯಿಂದ ಬಿ.ಹೊಸಹಳ್ಳಿಗೆ ಸಂಪರ್ಕ ಕಲ್ಪಿಸುವ ರಸ್ತೆಗೆ ಗುದ್ದಲಿ ಪೂಜೆ ನೆರವೇರಿಸಿ ಅವರು ಮಾತನಾಡಿದರು.
ಸುಮಾರು 30 ವರ್ಷಗಳಿಂದ ನೆನೆಗುದಿಗೆ ಬಿದ್ದಿದ್ದ ಈ ಎರಡು ರಸ್ತೆಗಳು ನಮ್ಮ ತಾಯಿಯವರು ಶಾಸಕರಾಗಿದ್ದಾಗ ಡಾಂಬರೀಕರಣ ಕಂಡಂತವು. ನನ್ನ ಅವಧಿಯಲ್ಲಿ ಮತ್ತೊಮ್ಮೆ ಕಾಂಕ್ರಿಟೀಕರಣ ಗೊಳ್ಳುತ್ತಿರುವುದು ಸಂತೋಷ ತಂದಿದೆ.ಆದಷ್ಟು ಬೇಗ ಕಾಮಗಾರಿ ಪೂರ್ಣಗೊಳಿಸಲು ಸೂಚಿಸಿದ್ದೇನೆ. ಗುಣಮಟ್ಟದ ರಸ್ತೆ ಆಗಬೇಕಾದರೆ ಸಾರ್ವಜನಿಕರ ಸಹಕಾರ ಅತ್ಯಗತ್ಯ ಎಂದರು.
ನಂತರ ಸಾರ್ವಜನಿಕರಿಂದ ಹಲವು ಮನವಿಗಳನ್ನು ಸ್ವೀಕರಿಸಿದರು.
ಈ ಸಂದರ್ಭದಲ್ಲಿ ಗ್ರಾ.ಪಂ.ಅಧ್ಯಕ್ಷರುಗಳಾದ ಜರೀನ, ಆಶ್ರಿತ್,ಉಪಾಧ್ಯಕ್ಷರಾದ ಲೀಲಾವತಿ, ಮೂಡಿಗೆರೆ ಬ್ಲಾಕ್ ಕಾಂಗ್ರೆಸ್ ಪ್ರ.ಕಾರ್ಯದರ್ಶಿ ದೇವರಾಜ್ ಸಬ್ಲಿ ,ಮುಖಂಡರುಗಳಾದ ಬಿ.ಸಿ.ಪ್ರವೀಣ್,ಸುಂದರೇಶ್ ಕುಂದೂರು,ವೆಂಕಟೇಶ್, ಶಿವರಾಂ ಶೆಟ್ಟಿ,ಅರುಣ್ ಗುತ್ತಿ, ಮೆಲ್ವಿನ್,ದಿಲ್ದಾರ್ ಬೇಗಂ, ಇರ್ಫಾನ್,ವಿನಯ್ ಕುಮಾರ್, ಆತಿಕ ಬಾನು,ಸುರೇಶ್, ಪೌಲ್ಸನ್,ಪಿಡಿಓ ಕೃಷ್ಣಪ್ಪ, ಉಮ್ಮರ್,ಮುಂತಾದವರಿದ್ದರು.
———————-———-ಸೂರಿ ಬಣಕಲ್