ಬೇಲೂರು-ಅಕ್ರಮವಾಗಿ ಗೋವುಗಳನ್ನು ಸಾಗಿಸುತ್ತಿದ್ದ ವಾಹನವನ್ನು ವಶಕ್ಕೆ ಪಡೆದು ಆರೋಪಿಗಳ ವಿರುದ್ಧ ಬೇಲೂರು ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
ಗೆಂಡೇಹಳ್ಳಿ ಸರ್ಕಲ್ ನಲ್ಲಿ ಅಕ್ರಮವಾಗಿ ದನಗಳನ್ನು ತುಂಬಿಕೊಂಡು ವಾಹನವೊಂದು ಬರುತ್ತಿರುವ ಬಗ್ಗೆ ಖಚಿತ ಮಾಹಿತಿಯನ್ನು ಪಡೆದುಕೊಂಡ ಪಿ.ಎಸ್.ಐ .ಜಿತೇಂದ್ರಕುಮಾರ್ ದಿಢೀರ್ ದಾಳಿ ನಡೆಸಿ ಟಾಟಾ ಏಸ್ ವಾಹನವನ್ನು ವಶಕ್ಕೆ ಪಡೆದು ಅದರಲ್ಲಿದ್ದ 6 ಕರುಗಳನ್ನು ರಕ್ಷಿಸಿದ್ದಾರೆ.
ಕರುಗಳನ್ನು ಆರೋಪಿಗಳಾದ ಹಳುವಳ್ಳಿ ಗ್ರಾಮದ ಧನಂಜಯ,ಹೆಚ್.ಹೊಸಹಳ್ಳಿ ಗ್ರಾಮದ ಪ್ರಸನ್ನ,ಎಂಬುವವರಿಂದ ತೀರ್ಥಕುಮಾರ ಎಂ.ಆರ್ ಎಂಬುವವನು ಕೊಂಡುಕೊಂಡಿದ್ದು ಮೂರು ಆರೋಪಿಗಳನ್ನು ವಶಕ್ಕೆ ಪಡೆದಿರುವ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
ಬೇಲೂರು ತಾಲೂಕಿನಾದ್ಯಂತ ವ್ಯಾಪಕ ಗೋವು ಕಳ್ಳಸಾಗಾಣಿಕೆ ನಡೆಯುತ್ತಿದ್ದು ಅವನ್ನು ಕಡಿದು ವ್ಯಾಪಾರ ಮಾಡುವ ದಂದೆ ಬೇಲೂರು ಪಟ್ಟಣದಲ್ಲಿ ನಡೆಯುತ್ತಿದೆ.ಇತ್ತೀಚೆಗೆ ತಹಶೀಲ್ದಾರ್ ಮಮತಾರವರು ಕಸಾಯಿಖಾನೆಯೊಂದರ ಮೇಲೆ ದಾಳಿ ನಡೆಸಿ ಮಾಂಸ ಹಾಗು ಜಾನುವಾರುಗಳನ್ನು ವಶಕ್ಕೆ ಪಡೆದಿದದ್ದು ಇದಕ್ಕೆ ಪುಷ್ಟಿ ನೀಡಿತ್ತು.
ಸದ್ಯ ಬೇಲೂರು ಪೊಲೀಸರು ಗೋಕಳ್ಳರ ವಿರುದ್ಧ ಚಾಟಿ ಬೀಸಲು ಪ್ರಾರಂಭಿಸಿದ್ದು ಇದನ್ನು ಮುಂದುವರೆಸಿ ಅಕ್ರಮ ಗೋಸಾಗಾಣೆದಾರರ ನಡು ಮುರಿಯಬೇಕೆನ್ನುವುದು ಪ್ರಾಣಿಪ್ರಿಯರ ಆಗ್ರಹವಾಗಿದೆ.
——————–ನೂರ್ ಅಹಮ್ಮದ್