ಬೇಲೂರು-ಭರತನಾಟ್ಯ ಕಲಾವಿದೆ ಕುಮಾರಿ ಮೈತ್ರಿ ಎಸ್.ಮಾದ ಗುಂಡಿಗೆ ಒಲಿದ ರಾಜ್ಯೋತ್ಸವ ಪ್ರಶಸ್ತಿ

ಬೇಲೂರು-ಭರತನಾಟ್ಯ ಕಲಾವಿದೆ ಕುಮಾರಿ ಮೈತ್ರಿ ಎಸ್.ಮಾದಗುಂಡಿ ರವರಿಗೆ ಹಾಸನ ಜಿಲ್ಲಾಡಳಿತವು ಜಿಲ್ಲಾ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿ ನೀಡಿ ಗೌರವಿಸಿದೆ.

ಜಿಲ್ಲಾಡಳಿತದಿಂದ ನಡೆದ 69 ನೇ ಕನ್ನಡ ರಾಜ್ಯೋತ್ಸವದ ಸಂಭ್ರಮದ ದಿನದಂದು ಪ್ರಶಸ್ತಿಯನ್ನು ನೀಡಿ ಗೌರವಿಸಿದ್ದು ಬೇಲೂರಿಗೆ ಹಿರಿಮೆ ದೊರೆತಂತಾಗಿದೆ.

ಸಂಸದ ಶ್ರೇಯಸ್ ಪಟೇಲ್,ಜಿಲ್ಲಾಧಿಕಾರಿಗಳಾದ ಸಿ ಸತ್ಯಭಾಮರವರು ಪ್ರಶಸ್ತಿ ಪತ್ರ ಹಾಗು ನೆನಪಿನ ಕಾಣಿಕೆಯನ್ನು ನೀಡಿ ಸನ್ಮಾನಿಸಿದರು.

ಅರೇಹಳ್ಳಿ ಜೂನಿಯರ್ ಕಾಲೇಜಿನಲ್ಲಿ ಉಪನ್ಯಾಸಕರಾಗಿರುವ ಡಾ,ಶಿವಕುಮಾರ್ ಎಸ್ ಮಾದಗುಂದಿ,ಶ್ರೀಮತಿ ಶ್ರುತಿ ದಂಪತಿಗಳ ಸುಪುತ್ರಿಯಾದ ಕುಮಾರಿ ಮೈತ್ರಿ ಎಸ್.ಮಾದಗುಂಡಿ ನೃತ್ಯಾಂಜಲಿ ಕಲಾನಿಕೇತನ ನೃತ್ಯ ಶಾಲೆಯ ವಿದ್ಯಾರ್ಥಿಯಾಗಿದ್ದು ವಿದುಷಿ ಡಾ. ಶ್ರೀಮತಿ ಶೈಲಜಾ ಕುಮಾರ್ ರವರ ನೆಚ್ಚಿನ ಶಿಷ್ಯೆಯಾಗಿದ್ದಾರೆ.

ಇಲ್ಲಿಯವರೆಗೂ ಜಿಲ್ಲೆ ಹಾಗು ರಾಜ್ಯದಾದ್ಯಂತ ಹಲವಾರು ಭರತನಾಟ್ಯ ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟಿದ್ದು ಇನ್ನು ಹೆಚ್ಚಿನ ಪ್ರಶಸ್ತಿಗಳು ಅರಸಿ ಬರಲಿ ಎಂದು ನಾಟ್ಯ ಪ್ರಿಯರು ಹಾರೈಸಿದ್ದಾರೆ.