ಬೆಂಗಳೂರು-ಕರ್ನಾಟಕ ಸರ್ಕಾರ, ಕರ್ನಾಟಕ ಸಾಹಿತ್ಯ ಅಕಾಡೆಮಿ ಕೊಡಮಾಡುವ ಪ್ರತಿಷ್ಠಿತ “ಸಾಹಿತ್ಯಶ್ರೀ” ಪ್ರಶಸ್ತಿಗೆ ಖ್ಯಾತ ಸಾಹಿತಿ,ಪತ್ರಕರ್ತ ಚಲಂ ಹಾಡ್ಲಹಳ್ಳಿ ಅವರು ಭಾಜನರಾಗಿದ್ದಾರೆ.
2022 ನೇ ಸಾಲಿನ ಸಾಹಿತ್ಯಶ್ರೀ ಪ್ರಶಸ್ತಿಗೆ ಭಾಜನರಾಗಿರುವ ಚಲಂ ಹಾಡ್ಲಹಳ್ಳಿ ಅವರು ಸಾಹಿತ್ಯ ಕ್ಷೇತ್ರದಲ್ಲಿ ತಮ್ಮನ್ನು ಗಂಭೀರವಾಗಿ ತೊಡಗಿಸಿಕೊಂಡಿದ್ದಾರೆ.
ಎರಡು ಕಥಾಸಂಕಲನ, ಎರಡು ಕವನ ಸಂಕಲನ ಹಾಗು ಒಂದು ಪ್ರಬಂಧ ಸಂಕಲನಗಳನ್ನು ಈಗಾಗಲೇ ರಚಿಸಿರುವ ಚಲಂ ಹಾಡ್ಲಹಳ್ಳಿ ಅವರದ್ದು ಭಿನ್ನ ನೋಟದ ಸಾಹಿತ್ಯ ಕೃಷಿ.
ನಾಡಿನ ಬಹುತೇಕ ಪತ್ರಿಕೆಗಳಲ್ಲಿ ಇವರ ಕಥೆ, ಪ್ರಬಂಧ ಹಾಗು ಕವಿತೆಗಳು ಪ್ರಕಟವಾಗಿದ್ದು ತಮ್ಮ ವಸ್ತುನಿಷ್ಠ ವರದಿಗಾರಿಕೆಗಾಗಿ ಪ್ರಸಿದ್ದರಾಗಿದ್ದಾರೆ.
ಹಾಸನ ಜಿಲ್ಲೆಯ ಜನಪ್ರಸಿದ್ದ ಜೇನುಗಿರಿ ದಿನಪತ್ರಿಕೆಯ ಸಂಪಾದಕರಾಗಿರುವ ಚಲಂ ಹಾಡ್ಲಹಳ್ಳಿ ಅವರ ಸಾಹಿತ್ಯ ಕೃಷಿಯನ್ನು ಪರಿಗಣಿಸಿ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಈ ಪ್ರಶಸ್ತಿಯನ್ನು ನೀಡಿದೆ.
———–ಭರತ್ ಟಿ.ಸಿ