ಚಿಕ್ಕಮಗಳೂರು– ಮಾದಕ ವಸ್ತು ಹಾಗೂ ನಶೆ ಪದಾರ್ಥಗಳು ಕೇವಲ ಪುರುಷರಿಗ ಷ್ಟೇ ಸೀಮಿತಗೊಳ್ಳದೇ ಇತ್ತೀಚೆಗೆ ಮಹಿಳೆಯರು, ಮಕ್ಕಳು ಈ ಚಟಗಳಿಗೆ ಬಲಿಯಾಗುತ್ತಿರುವುದು ಸ್ವಾಸ್ಥ್ಯ ಸಮಾಜಕ್ಕೆ ಮಾರಕ ಎಂದು ಹಿರಿಯ ಸಿವಿಲ್ ನ್ಯಾಯಾಧೀಶ ವಿ.ಹನುಮಂತಪ್ಪ ಹೇಳಿದರು.
ನಗರದ ತಾಲ್ಲೂಕು ಪಂಚಾಯಿತಿ ಸಭಾಂಗಣದಲ್ಲಿ ಶ್ರೀ ಶಕ್ತಿ ಮದ್ಯ ವ್ಯಸನಿಗಳ ಸಮಗ್ರ ಪುನರ್ ವಸತಿ ಕೇಂದ್ರ ಸಹಯೋಗದಲ್ಲಿ ಏರ್ಪಡಿಸಿದ್ಧ ಮಾದಕ ವಸ್ತುಗಳ ತಡೆಗಟ್ಟುವಿಕೆ ಮತ್ತು ಕೌಶಲ್ಯ ಕುರಿತು ನಶಾಮುಕ್ತ ಭಾರತ ನಿರ್ಮಾಣದ ಅಭಿಯಾನದಡಿ ಸ್ವಯಂ ಸೇವಕರಿಗೆ ತರಬೇತಿ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಪೆಟ್ಟಿಗೆ ಅಂಗಡಿಗಳಲ್ಲಿ ರಾಜಾರೋಷವಾಗಿ ದೊರೆಯುತ್ತಿರುವ ಮದ್ಯ ಮಾರಾಟದಿಂದ ಹೆಚ್ಚಿನ ಪ್ರಮಾಣದಲ್ಲಿ ಗ್ರಾಮೀಣ ಪ್ರದೇಶದ ನಿವಾಸಿಗಳು ದುಶ್ಚಟಗಳಿಗೆ ತುತ್ತಾಗುತ್ತಿದ್ದಾರೆ. ಅಲ್ಲದೇ ಅಮೂಲ್ಯ ಆರೋಗ್ಯ ಸಂಪತ್ತು ಕಳೆದುಕೊಳ್ಳುವ ಜೊತೆಗೆ ಅಲ್ಪಾಯುಷ್ಯಿನಲ್ಲಿ ಪ್ರಾಣ ಕಳೆದುಕೊಳ್ಳುವ ಸ್ಥಿತಿ ತಲೆದೋರುವುದು ಶೋಚನೀಯ ಎಂದರು.
ಇನ್ನೊಂದೆಡೆ ಚುನಾವಣೆಗಳು ಎದುರಾದರೂ ಕೂಡಾ ಮದ್ಯದ ಪಾರ್ಟಿಗಳು ಹೆಚ್ಚಾಗುತ್ತವೆ. ಹಾಗಾಗಿ ಮನಸ್ಸಿನ ಮೇಲೆ ಹತೋಟಿ ಕಲಿತÀಲ್ಲಿ ಎಂಥಹ ಕ್ಷಣದಲ್ಲೂ ಹಾದಿ ತಪ್ಪಲು ಸಾಧ್ಯವಿಲ್ಲ ಎಂದ ಅವರು ಚಂ ಚಲತೆ, ದುಶ್ಚಟಗಳ ಆಸೆಗೆ ಕಡಿವಾಣ ಹಾಕುವ ಆತ್ಮಸ್ಥೆöÊರ್ಯದ ಸಂಕಲ್ಪ ಮಾಡಿಕೊಳ್ಳಬೇಕಿದೆ ಎಂದು ಕಿವಿ ಮಾತು ಹೇಳಿದರು.
ಇತ್ತೀಚೆಗೆ ಶಾಲಾ-ಕಾಲೇಜುಗಳಲ್ಲಿ ಮದ್ಯವ್ಯಸನಿಗಳ ರುಚಿ ಹೆಚ್ಚಾಗಿವೆ. ಸ್ನೇಹಿತರೊಟ್ಟಿಗೆ ತೆರಳಿ ಒಮ್ಮೆ ಅಭ್ಯಾಸಿದರೆ, ಪ್ರತಿದಿನವು ರುಚಿ ಸವಿಯಲು ಹೋಗುವುದರಿಂದ ಒಂದು ಭಾಗವಾಗಿ ಪರಿಗಣಿಸಿ ಎಳೆಯ ವಯಸ್ಸಿನಲ್ಲಿ ಮದ್ಯ ಹಾಗೂ ನಶೆ ಪದಾರ್ಥಗಳಿಗೆ ಬಲಿಯಾಗಿ ಬದುಕು ದುಸ್ತರವಾಗುವ ಸಾಧ್ಯತೆಯಿದ್ದು ಮೊದಲು ಮಕ್ಕಳಲ್ಲಿ ಜಾಗೃತಿ ಮೂಡಿಸುವ ಕಾರ್ಯವಾಗಬೇಕು ಎಂದರು.
ಆ ನಿಟ್ಟಿನಲ್ಲಿ ಮದ್ಯ ಹಾಗೂ ಮಾದಕ ವ್ಯಸನಿಗಳಿಗೆ ಆಯೋಜಿಸಿರುವ ತರಬೇತಿ ಶಿಬಿರದಲ್ಲಿ ಭಾಗಿಯಾಗಿ ಕೆಲವು ಮಂದಿ ಯಶಸ್ವಿಗೊಂಡರೆ ಸದೃಢ ಭಾರತ ನಿರ್ಮಿಸಲು ಸಾಧ್ಯ. ಹೀಗಾಗಿ ಸಮಾಜದ ಲ್ಲಿನ ಕೆಡುಕು ಚಟಗಳಿಗೆ ಬಲಿಯಾಗುವವರನ್ನು ಗುರುತಿಸಿ ಶಕ್ತಿ ಕೇಂದ್ರದಲ್ಲಿ ನೊಂದಾಯಿಸಿಕೊಡು ಜಾಗೃತಿ ಮೂಡಿಸುತ್ತಿರುವುದು ಹೆಮ್ಮೆಯ ಸಂಗತಿ ಎಂದರು.
ಪುನರ್ ವಸತಿ ಕೇಂದ್ರದ ರಾಜ್ಯ ಸಂಯೋಜಕಿ ಶೈಲಜಾ ಮಾತನಾಡಿ ದುಶ್ಚಟಗಳು ಯುವಸಮುದಾಯಕ್ಕೆ ಹೆಚ್ಚು ಕಾಡುತ್ತಿದೆ. ಹಲವಾರು ಕಡೆಗಳಲ್ಲಿ ತಿಳುವಳಿಕೆ ಮೂಡಿಸಲು ಕೇಂದ್ರವು ಮುಂದಾಗಿದ್ದು ದುಶ್ಚಟದಿಂದ ಬಳಲುತ್ತಿರುವ ವ್ಯಕ್ತಿಗಳಿಗೆ ಮನಪರಿವರ್ತನೆಗೊಳಿಸಿ, ದುಶ್ಚಟದ ನಂತರವು ಜೀವನವಿದೆ ಎಂಬು ದನ್ನು ಅರಿವು ಮೂಡಿಸುತ್ತಿದೆ ಎಂದರು.
ಪ್ರಸ್ತುತ ವಸತಿ ಕೇಂದ್ರದಲ್ಲಿ ಧ್ಯಾನ, ಯೋಗ, ಆಯುರ್ವೇದ ಚಿಕಿತ್ಸೆ, ಮದ್ಯಪಾನ ವ್ಯಸನಮುಕ್ತಿ ಚಿಕಿತ್ಸೆ, ವೈಯಕ್ತಿಕ ಆಪ್ತಸಮಾಲೋಚನೆ, ಚಿಕಿತ್ಸೆಯ ನಂತರ ಪುನರ್‌ವಸತಿ, ಕುಟುಂಬ ಸಲಹಾ ವಿಭಾಗ, ಯೋಗ ಮತ್ತು ಪ್ರಕೃತಿ ಸೇರಿದಂತೆ ಹಲವಾರು ಚಿಕಿತ್ಸೆಯನ್ನು ಕೇಂದ್ರವು ಒದಗಿಸುತ್ತಿದೆ ಎಂದರು.
ಈ ಸಂದರ್ಭದಲ್ಲಿ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಉಪನಿರ್ದೇಶಕ ಮಹಾಂತೇಶ್ ಭಜತ್ರಿ, ಅಧಿಕಾರಿ ಸಂತೋಷ್, ವಿಕಲಚೇತನ ಇಲಾಖೆ ಅಧಿಕಾರಿ ವೀರಭದ್ರಯ್ಯ ಮಾಜೇಗೌಡ, ಎಸ್‌ಪಿಐಡಿ ಸಂಸ್ಥೆ ಕಾರ್ಯದರ್ಶಿ ಕೆ.ಪ್ರಕಾಶ್, ರಾಜ್ಯ ಸಂಪನ್ಮೂಲ ವ್ಯಕ್ತಿ ಬಾಲಕೃಷ್ಣ ರಾಜ್, ಲೋಕೇಶಪ್ಪ ಮತ್ತಿತರರಿದ್ದರು.