ಚಿಕ್ಕಮಗಳೂರು :- ದಾಸ ಸಾಹಿತ್ಯದ ಚರಿತ್ರೆಯಲ್ಲಿ ಪುರಂದರದಾಸರು, ಕನಕದಾಸರು ಹಾಗೂ ವಾದಿರಾಜರ ಅಪಾರ ಕೊಡುಗೆಯಿಂದ ಇಂದಿಗೂ ದಾಸ ಸಾಹಿತ್ಯ ಪರಂಪರೆ ಭಾರತೀಯ ನೆಲ ದಲ್ಲಿ ಶಾಶ್ವತವಾಗಿ ನೆಲೆಸಿದೆ ಎಂದು ಕಸಾಪ ಜಿಲ್ಲಾಧ್ಯಕ್ಷ ಸೂರಿ ಶ್ರೀನಿವಾಸ್ ಹೇಳಿದರು.
ನಗರದ ಕನ್ನಡ ಭವನದಲ್ಲಿ ತಾಲ್ಲೂಕು ದಾಸ ಸಾಹಿತ್ಯ ಪರಿಷತ್ತಿನ ಮಹಿಳಾ ಘಟಕದ ನೂತನ ಪದಗ್ರಹಣ ಸಮಾರಂಭವನ್ನು ಶನಿವಾರ ಉದ್ಘಾಟಿಸಿ ಅವರು ಮಾತನಾಡಿದರು.
ದಾಸ ಶ್ರೇಷ್ಟರ ಕೀರ್ತನೆಗಳು ಗಮನಿಸಿ, ಅವಲೋಕಿಸಿದರೆ ಸ್ವಾಸ್ಥ್ಯ ಸಮಾಜ ಕಟ್ಟುವಲ್ಲಿ ಅತ್ಯುತ್ತಮ ಕಾಳಜಿ ವಹಿಸಿದೆ. ಸಮಾಜದಲ್ಲಿ ಎಲ್ಲರೂ ಒಂದೇ ಎಂಬ ಪರಿಕಲ್ಪನೆಯಡಿ ಕೀರ್ತನೆಗಳನ್ನು ರಚಿಸಿ ಸಮಾಜಕ್ಕೆ ಕೊಡುಗೆ ನೀಡಿರುವ ಹಿನ್ನೆಲೆಯಲ್ಲಿ ಇಂದು ನಾವುಗಳು ಸಂಸ್ಕಾರವಂತಾಗಲು ಕಾರಣವಾಗಿದೆ ಎಂದು ಹೇಳಿದರು.
ಭಜನೆಗಳು ಮಾನಸಿಕ ಶಾಂತತೆ ಕಾಪಾಡಿದರೆ, ದಾಸ ಸಾಹಿತ್ಯ, ಕಲೆ, ಸಂಗೀತ ಪ್ರತಿಯೊಬ್ಬರ ಮನ ಸ್ಸನ್ನು ಅರಳಿಸುವ ಶಕ್ತಿ ಹೊಂದಿದೆ. ಹೀಗಾಗಿ ದಾಸ ಪರಂಪರೆ ಉಳಿಸುವ ನಿಟ್ಟಿನಲ್ಲಿ ನೂತನ ಪದಾಧಿಕಾರಿಗಳು ಶಾಲಾ-ಕಾಲೇಜುಗಳಲ್ಲಿ ಕಾರ್ಯಾಗಾರ ಹಮ್ಮಿಕೊಂಡು ಶ್ರೇಷ್ಟರ ಕೀರ್ತನೆಗಳಿಗೆ ಪರಿಚಯಿಸುವ ಕರ‍್ಯ ಕ್ಕೆ ಮುಂದಾಗವೇಕು ಎಂದರು.
ವಚನ ಸಾಹಿತ್ಯ, ಶರಣ ಸಾಹಿತ್ಯ, ದಾಸ ಸಾಹಿತ್ಯವು ಜಾನಪದ ಮೂಲ ಬೇರುಗಳು. ಆದರೆ ಇತ್ತೀ ಚೆಗೆ ಅಳಿನಂಚಿಗೆ ಕಾಲಿಟ್ಟಿವೆ. ಹಾಗಾಗಿ ಜಿಲ್ಲೆಯ ಪ್ರತಿ ತಾಲ್ಲೂಕು, ಹೋಬಳಿ ಮಟ್ಟದಲ್ಲಿ ಹಾಗೂ ಕನ್ನಡ ಭವನದಲ್ಲಿ ಕಾರ್ಯಾಗಾರ ಹಮ್ಮಿಕೊಂಡು ಮುಂದಿನ ಯುವಪೀಳಿಗೆಗೆ ಕೊಂಡೊಯ್ಯುವ ಮಹತ್ತರ ಜವಾಬ್ದಾರಿ ಸಾಹಿತ್ಯಾಸಕ್ತರ ಮೇಲಿದೆ ಎಂದು ಹೇಳಿದರು.
ಕಸಾಪ ತಾಲ್ಲೂಕು ಮಹಿಳಾ ಘಟಕದ ಅಧ್ಯಕ್ಷೆ ವಿಜಯಲಕ್ಷ್ಮಿ ವಿಶ್ವನಾಥ್ ಪ್ರಾಸ್ತಾವಿಕವಾಗಿ ಮಾತನಾಡಿ, ದಾಸ ಸಾಹಿತ್ಯ ಜನರ ನಡುವೆ ಬಂದು ಜನಮಾನಸದಲ್ಲಿ ನೆಲೆಯಾಗಿ ನಿಂತಿದೆ. ಪರಿಷತ್ತಿನ ಮುಖ್ಯ ಧ್ಯೇಯವೆಂದರೆ ದಾಸರ ಸಾಹಿತ್ಯವನ್ನು ಪ್ರಚಾರ, ದಾಸರ ಜೀವನ-ವ್ಯಕ್ತಿತ್ವ-ಸಾಹಿತ್ಯದ ಸಾಧನೆಗಳ ಬಗ್ಗೆ ವಿಮರ್ಶೆ ಮಾಡಿ, ಗೋಷ್ಠಿಗಳನ್ನು ನಡೆಸಿ ಅರಿವು ಮೂಡಿಸುವುದು ಎಂದರು.
ದಾಸ ಸಾಹಿತ್ಯ ಪರಿಷತ್ತಿನ ತಾಲ್ಲೂಕು ಮಹಿಳಾ ಘಟಕದ ಅಧ್ಯಕ್ಷೆ ಆರ್.ಮಹಾಲಕ್ಷ್ಮಿ ನಾಗರಾಜ್ ಮಾತನಾಡಿ ದಾಸ ಸಾಹಿತ್ಯ ಎಂದಿಗೂ ಆರದ ದೀಪವಿದ್ದಂತೆ. ದಾಸ ಸಾಹಿತ್ಯವನ್ನು ಓದುವುದರಿಂದ ಮಾನಸಿಕ ನೆಮ್ಮದಿ ತಾಳಬಹುದು. ಹರಿದಾಸರ ನಡೆ ಮತ್ತು ನುಡಿ ಒಂದೇ ಆಗಿತ್ತು. ದಾಸರ ಬದುಕು ಸರಳವಾಗಿತ್ತು ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮಾತನಾಡಿದ ಜಿಲ್ಲಾ ದಾಸ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಹಿರೇನಲ್ಲೂರು ಶ್ರೀನಿವಾಸ್ ದಾಸ ಚಟುವಟಿಕೆ ಎಲ್ಲೆಡೆ ಪಸರಿಸುವ ನಿಟ್ಟಿನಲ್ಲಿ ಪದಾಧಿಕಾರಿಗಳ ತಂಡವನ್ನು ರಚಿಸಿಲಾ ಗಿದ್ದು ನೂತನ ತಂಡವು ದಾಸ ಪರಂಪರೆ ರಸದೂಟವನ್ನು ಎಲ್ಲೆಡೆ ಉಣಬಡಿಸುವ ಮೂಲಕ ಶ್ರೇಷ್ಟರ ಕೀ ರ್ತನೆಗಳ ರುಚಿ ಪರಿಚಯಿಸಬೇಕು ಎಂದರು.
ತಾಲ್ಲೂಕು ದಾಸ ಸಾಹಿತ್ಯ ಮಹಿಳಾ ನೂತನ ಘಟಕ : ಆರ್.ಮಹಾಲಕ್ಷ್ಮಿ ನಾಗರಾಜ್ (ಅಧ್ಯಕ್ಷೆ), ವಿಜಯಲಕ್ಷ್ಮಿ ವಿಶ್ವನಾಥ್ (ಗೌರವಾಧ್ಯಕ್ಷೆ), ಭಾಗ್ಯ ಕೃಷ್ಣ (ಪ್ರ.ಕಾರ್ಯದರ್ಶಿ), ಆಶಾ ರಾಜು (ಕೋಶಾಧ್ಯಕ್ಷೆ), ಜಯಂತಿ ಶಿವಾಜಿ (ಸಂಘಟನಾ ಕಾರ್ಯದರ್ಶಿ), ಪದ್ಮ ಜನಕರಾಜ್‌ಅರಸ್ (ಸಂಚಾಲಕಿ), ಸಾವಿತ್ರಿ ಶಿವ ಕುಮಾರ್, ಮಲ್ಲಿಕಾದೇವಿ, ಮೈನಾ, ಶಕುಂತಲಾ (ಸದಸ್ಯರು). ಕಾರ್ಯಕ್ರಮದಲ್ಲಿನ ಕಸಾಪ ಜಿಲ್ಲಾಪ್ರಧಾನ ಕಾರ್ಯದರ್ಶಿ ಎಸ್.ಎಸ್.ವೆಂಕಟೇಶ್, ತಾಲ್ಲೂಕು ಅಧ್ಯಕ್ಷ ಮಾವಿನಕೆರೆ ದಯಾನಂದ್, ದಾಸಾಪ ಸಂಘಟನಾ ಕಾರ್ಯದರ್ಶಿ ಸುನೀತಾ ಕಿರಣ್, ಜಾನಪದ ಪರಿಷತ್ ತಾಲ್ಲೂಕು ಅಧ್ಯಕ್ಷೆ ಚೈತ್ರಗೌಡ ಮತ್ತಿತರರು ಉಪಸ್ಥಿತರಿದ್ದರು.
- ಸುರೇಶ್‌ ಎನ್‌, ಚಿಕ್ಕಮಗಳೂರು