ಚಿಕ್ಕಮಗಳೂರು: ಪ್ರಕೃತಿದತ್ತ ವಾತಾವರಣದಲ್ಲಿ ಮನುಷ್ಯತ್ವ ನೆಲೆಯೂರಬೇಕು. ಹಳ್ಳಿ ಗಳೆಂದರೆ ಸಮಾನತೆಯ ಕೇಂದ್ರಗಳಾಗಬೇಕೇ ಹೊರತು ಮೇಳು-ಕೀಳು ಎಂಬ ತಾರತಮ್ಯ ಇರಬಾರದು. ಕಾಲೋನಿಗಳು ನಶಿಸಿ, ಸರ್ವರು ಒಂದೇ ಎಂಬ ಮನೋಭಾವನೆ ಹೊಂದಬೇಕು ಎಂದು ಅಂಬೇಡ್ಕರ್ ಅಧ್ಯಯನ ಸಂಸ್ಥೆ ಅಧ್ಯಕ್ಷ ಬಿ.ಬಿ.ನಿಂಗಯ್ಯ ಹೇಳಿದರು.
ನಗರದ ಅಂಬೇಡ್ಕರ್ ಭವನದಲ್ಲಿ ದಲಿತ ಸಂಘರ್ಷ ಸಮಿತಿ ಗುರುವಾರ ಏರ್ಪಡಿಸಿದ್ದ ಭಾರತ ಅಸ್ಪಶ್ಯ ರ ಮೊದಲ ಪ್ರತಿರೋಧ ಚಳುವಳಿ ಮಹಾಡ್ ಸತ್ಯಾಗ್ರಹ ನೆನಪಿನಲ್ಲಿ ಶೋಷಿತರ ಸಂಘರ್ಷ ದಿನಾಚರಣೆ ಯನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ಪ್ರಪಂಚದಲ್ಲಿ ಗಾಳಿ, ನೀರು, ಬೆಂಕಿ ಪ್ರಾಕೃತಿಕವಾಗಿ ಬಂದಿರುವ ಸ್ವತ್ತಾಗಿದ್ದು ಪ್ರತಿ ಜೀವರಾಶಿಗೂ ಬಳಸಿ ಕೊಳ್ಳುವ ಹಕ್ಕಿದೆ. ಸವರ್ಣೀಯರೆಂಬ ಕಾರಣಕ್ಕೆ ಕೆರೆ ನೀರನ್ನು ಮುಟ್ಟದಂತೆ ಪಶುವಿನಂತೆ ವರ್ತಿಸುವ ಸ ಮಾಜದ ವಿರುದ್ಧ ಅಂಬೇಡ್ಕರ್ ಪಣತೊಟ್ಟು ಚಳುವಳಿ ಆರಂಭಿಸಿ, ಯಶಸ್ವಿಯಾದ ಬಳಿಕ ಸಾವಿರಾರು ಮಂ ದಿಯೊಂದಿಗೆ ತೆರಳಿ ಮಹಡ್ ಕೆರೆ ನೀರು ಸೇವಿಸಿ ಸಮಾನತೆ ಸಾರಿದರು ಎಂದರು.
ಸ್ವಾತಂತ್ರ್ಯಕ್ಕೂ ಮುನ್ನ ಪರಿಶಿಷ್ಟರ ಬದುಕು ಮೂರಾಬಟ್ಟೆಯಾಗಿತ್ತು. ಗ್ರಾಮದ ಬಾವಿ, ಕೆರೆಗಳಲ್ಲಿ ನೀರು ಸೇವಿಸುತ್ತಿಲ್ಲ. ನಡೆದಾಡುವ ಹಾದಿಯಲ್ಲಿ ಬೆನ್ನಿಂದೆ ಪರಕೆಕಟ್ಟಿಕೊಂಡು ಹೆಜ್ಜೆಗುರುತು ಸಿಗದಂತೆ ಗುಡಿಸಿಕೊಂಡು ಹೋಗುವ ಸ್ಥಿತಿಯಿತ್ತು, ಅಸ್ಪಶ್ಯರಾಗಿ ಬದುಕಿದ್ದವರಿಗೆೆ ಅಂಬೇಡ್ಕರ್, ಕತ್ತಲೆಯಿಂದ ಬೆಳಕಿನತ್ತ ಕೊಂ ಡೊಯ್ದರು ಎಂದು ಹೇಳಿದರು.
ಶೋಷಿತರು, ಅಸ್ಪಶ್ಯರೆಂಬ ಕಾರಣಕ್ಕೆ ಮಾನವ, ಮಾನವರನ್ನೇ ಕೀಳಾಗಿ ಕಾಣುವುದು, ಅವಮಾನಿಸು ವುದು ಮತ್ತು ವಿರೋಧಿ ನಡೆಯಿತ್ತು. ಕೆಳವರ್ಗದ ಜನರೆಂಬ ಹಿನ್ನೆಲೆಯಲ್ಲಿ ಮಲಹೊರುವ ಪದ್ಧತಿಯಲ್ಲಿ ಪರಿಶಿಷ್ಟರನ್ನು ತೊಡಗಿಸುವ ಕ್ರೂರತನದಿಂದ ಕಾಲವಿತ್ತು. ಬಹುಸಂಖ್ಯಾತ ಸಮುದಾಯವನ್ನು ಬಲಾಡ್ಯರು ಜೀತದಾಳಾಗಿಸಿ ದುಡಿಸಿಕೊಳ್ಳುತ್ತಿದ್ದರು ಎಂದು ಹೇಳಿದರು.
ಅಸ್ಪಶ್ಯರಿಗೆ ಅವಮಾನ, ಶೋಷಣೆಯನ್ನು ಗಮನಿಸಿದ ಅಂಬೇಡ್ಕರ್ ಅಧಿಕಾರ ಪಡೆದರೆ ಮಾತ್ರ ಪರಿ ಶಿಷ್ಟರ ಏಳಿಗೆ ಸಾಧ್ಯ ಎಂಬುದನ್ನು ಅರಿತು, ಹಲವಾರು ಅಧ್ಯಯನ ನಡೆಸಿ ಸರ್ವರಿಗೂ ಸಮಪಾಲು, ಸಮ ಬಾಳೆಂಬ ನೀತಿಯಡಿ ಸಂವಿಧಾನ ರಚಿಸಿ ಕೊಡುಗೆ ನೀಡಿದೆ. ಆದರೆ ಇಂದಿನ ಕಾಲಘಟ್ಟದಲ್ಲೂ ಕೆಲವು ಗ್ರಾ ಮೀಣ ಪ್ರದೇಶದಲ್ಲಿ ಅಸ್ಪಶ್ಯತೆ ತಾಂಡವವಾಡುತ್ತಿರುವುದು ವಿಪರ್ಯಾಸ ಎಂದು ತಿಳಿಸಿದರು.
ಮಹಾಡ್ ಸತ್ಯಾಗ್ರಹದ ಬಗ್ಗೆ ಉಪನ್ಯಾಸ ನೀಡಿ ಮಾತನಾಡಿದ ಬಿಎಸ್ಪಿ ಜಿಲ್ಲಾಧ್ಯಕ್ಷ ಪಿ.ಪರಮೇಶ್ವರ್ ಅಂಭೇಡ್ಕರ್ ಎಂದರೆ ಜಯಂತಿ, ಪುಣ್ಯತಿಥಿ ಅಥವಾ ಕೋರೆಗಾಂವ್‌ವಾಗಿತ್ತು. ಆದರೀಗ ದಸಂಸ ಸಂಘಟನೆ ಮಹಡ್ ಶೋಷಿತರ ದಿನಾಚರಣೆ ಆಚರಿಸಿ ಸಮಾಜಕ್ಕೆ ತಿಳಿಸುವ ಕಾರ್ಯ ಮಾಡಿರುವುದು ಶ್ಲಾಘನೀಯ ಎಂದು ಹೇಳಿದರು.
ಮಹಡ್ ಹೋರಾಟ ಅಂಭೇಡ್ಕರ್ ಬದುಕಿನ ಅತ್ಯಂತ ಪ್ರಮುಖವಾದದು. ನೀರಿನ ನಿಷಿದ್ಧ ಕೇವಲ ಮ ಹಡ್ ಪ್ರದೇಶದಲ್ಲಿ ಮಾತ್ರ ಸೀಮಿತವಾಗಿರಲಿಲ್ಲ. ಇಡೀ ದೇಶದಲ್ಲಿ ಪರಿಶಿಷ್ಟರ ವಾಸಿಸುವ ಸ್ಥಳಗಳಲ್ಲಿತ್ತು. ಈ ವಿರುದ್ಧ ದಿಟ್ಟ ನಿರ್ಧಾರ ಕೈಗೊಂಡು ಅಂಭೇಡ್ಕರ್ ಬದುಕಿನ ಮೊದಲು ಚಳುವಳಿ ಆರಂಭಿಸಿ ನಾಗರೀಕ ಹಕ್ಕು ಸರ್ವರಿಗೂ ಒಂದೇ ಎಂದು ಸಾಬೀತುಪಡಿಸಿದರು ಎಂದರು.
ಪ್ರಾಸ್ತಾವಿಕವಾಗಿ ಮಾತನಾಡಿಸ ದಸಂಸ ರಾಜ್ಯ ಸಮಿತಿ ಸದಸ್ಯ ಮರ್ಲೆ ಅಣ್ಣಯ್ಯ ಮಹಡ್ ಚಳುವಳಿ ಗೂ ಮುನ್ನ ಪರಿಶಿಷ್ಟರನ್ನು ನಾಯಿ, ನರಿಗಳಿಗಿಂತಲೂ ಕಡೆಗಣಿಸಲಾಗಿತ್ತು. ಇದನ್ನರಿತ ಅಂಬೇಡ್ಕರ್ ಮಹಡ್ ಚಳುವಳಿ ರೂಪಿಸಿ, 1927 ರಲ್ಲಿ ಯಶಸ್ವಿಗೊಂಡಿತ್ತು. ಈ ಚಳುವಳಿ ಇಂದು 98 ವರ್ಷಗಳು ಪೂರೈ ಸುತ್ತಿದೆ ಎಂದು ಹೇಳಿದರು.
ಶೋಷಿತರ ಪರವಾಗಿ ಮೊದಲ ಚಳುವಳಿಯ ಕಿಚ್ಚನ್ನು ಹಬ್ಬಿಸಿದ ಅಂಬೇಡ್ಕರ್, ಸ್ವಾತಂತ್ರö್ಯ ಪೂರ್ವ ದ ಬಳಿಕ ಸಂವಿಧಾನ ರಚಿಸಿ, ಮನುಷ್ಯ ಮನುಷ್ಯನಿಗೆ ಗೌರವಿಸುವ ಸಂಸ್ಕಾರ ಪರಿಚಯಿಸಿದರು. ಪ್ರಸ್ತುತ ಕಾಲಮಾನದಲ್ಲಿ ಪರಿಶಿಷ್ಟರನ್ನು ಅಸ್ಪಶ್ಯರಂತೆ ಕಾಣುವ ಸ್ಥಿತಿಯಿದೆ. ಹೀಗಾಗಿ ಶಿಕ್ಷಣ ಹಾಗೂ ಅಧಿಕಾರ ಪಡೆ ದುಕೊಂಡಲ್ಲಿ ಕಾನೂನಾತ್ಮಕವಾಗಿ ಹೋರಾಟ ನಡೆಸಲು ಸಾಧ್ಯ ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ದಸಂಸ ಜಿಲ್ಲಾ ಪ್ರಧಾನ ಸಂಚಾಲಕ ಮಂಜಯ್ಯ, ಈ ಸಂದರ್ಭ ದಲ್ಲಿ ದಸಂಸ ತಾಲ್ಲೂಕು ಪ್ರಧಾನ ಸಂಚಾಲಕ ಮಂಜುನಾಥ್ ನಂಬಿಯಾರ್, ರಾಜ್ಯಸಮಿತಿ ಸದಸ್ಯ ಮಲ್ಲೇ ಶ್, ಪ್ರಗತಿಪರ ಚಿಂತಕರಾದ ಹೆಚ್.ಹೆಚ್.ದೇವರಾಜ್, ರವೀಶ್ ಬಸಪ್ಪ, ಮುಖಂಡರುಗಳಾದ ಜವರಯ್ಯ, ರಘು, ರಮೇಶ್, ಚಂದ್ರಶೇಖರ್ ಪುರ, ಕೃಷ್ಣಮೂರ್ತಿ, ಬಾಲಕೃಷ್ಣ ಮತ್ತಿತರರು ಇದ್ದರು.
- ಸುರೇಶ್‌ ಎನ್.