ಚಿಕ್ಕಮಗಳೂರು:- ಕಲ್ಯಾಣ ಕರ್ನಾಟಕದ ರೂವಾರಿ, ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪನವರ ಜನ್ಮದಿನದ ಅಂಗವಾಗಿ ಗುರುವಾರ ಜಿಲ್ಲಾ ಬಿಜೆಪಿ ಕಾರ್ಯಕರ್ತರು ನಗರದ ಗಣ ಪತಿ ದೇವಾಲಯಕ್ಕೆ ತೆರಳಿ ವಿಶೇಷ ಪೂಜೆ ಸಲ್ಲಿಸಿ, ಬಳಿಕ ವೃದ್ದಾಶ್ರಮಕ್ಕೆ ಹಣ್ಣು-ಹಂಪಲು ವಿತರಿಸುವ ಮೂಲಕ ಅರ್ಥಪೂರ್ಣವಾಗಿ ಆಚರಿಸಿದರು.
ಬಳಿಕ ಮಾತನಾಡಿದ ಬಿಜೆಪಿ ಜಿಲ್ಲಾಧ್ಯಕ್ಷ ಎಂ.ಆರ್.ದೇವರಾಜ್‌ಶೆಟ್ಟಿ ದಕ್ಷಿಣ ಭಾರತದಲ್ಲಿ ಬಿಜೆಪಿ ಅಸ್ಥಿ ತ್ವವೇ ಕಂಡಿರದ ಸಮಯದಲ್ಲಿ ಯಡಿಯೂರಪ್ಪನವರು ಇಡೀ ಜೀವನವನ್ನು ಪಕ್ಷಕ್ಕಾಗಿ ದುಡಿದ ಹಿನ್ನೆಲೆಯ ಲ್ಲಿ ೨೦೦೬ರಲ್ಲಿ ಮೊದಲ ಬಾರಿಗೆ ರಾಜ್ಯದಲ್ಲಿ ಭಾಜಪ ಅಧಿಕಾರದ ಚುಕ್ಕಾಣಿ ಹಿಡಿಯಿತು. ಈ ಹಿಂದಿನ ಯಡಿ ಯೂರಪ್ಪ ನಿರಂತರ ಹೋರಾಟಗಳೇ ರಾಜ್ಯದ ಅಭಿವೃದ್ದಿ ಪೂರಕವಾಯಿತು ಎಂದರು.
ರಾಜ್ಯದಲ್ಲಿ ಕಮಲ ಅರಳಿಸುವ ನಿಟ್ಟಿನಲ್ಲಿ ಯಡಿಯೂರಪ್ಪನವರು ಯೌವ್ವನವನ್ನು ಲೆಕ್ಕಿಸದೇ, ಹಗ ಲು-ರಾತ್ರಿ ಎನ್ನದೇ ನಿಸ್ವಾರ್ಥ ರಾಜಕಾರಣ ಮಾಡಿದವರು. ಅವರ ಅವಧಿಯಲ್ಲಿ ಬಡವರ ಕಲ್ಯಾಣ, ದಲಿ ತರ ಏಳಿಗೆ ಹಾಗೂ ಜಾತಿ, ಬೇಧವನ್ನು ಮೆಟ್ಟಿನಿಂತ ಪರಿಣಾಮ ಇಡೀ ರಾಜ್ಯದ ಜನನನಾಯಕರಾಗಿ ಗುರು ತಿಸಿಕೊಂಡು ಮೂರು ಭಾರಿ ರಾಜ್ಯದ ಮುಖ್ಯಮಂತ್ರಿಗಳಾಗಿ ಅಧಿಕಾರ ನಡೆಸಿದ ಕೀರ್ತಿ ಸಲ್ಲುತ್ತದೆ ಎಂದರು.
ಯಡಿಯೂರಪ್ಪನವರ ಕಾಲಘಟ್ಟದಲ್ಲಿ ಅಧಿಕಾರ ನಡೆಸಿದಂಥ ಯಾವುದೇ ಪಕ್ಷಗಳು ರೈತರನ್ನು ಪ್ರತಿ ಭಾರಿ ಕಡೆಗಣಿಸುತ್ತಿದ್ದನ್ನು ಮನಗಂಡಿದ್ಧ ಅವರು, ಮುಖ್ಯಮಂತ್ರಿಯಾದ ಬಳಿಕವೇ ವಿಶೇಷವಾಗಿ ರೈತಪರ ಬಜೆಟ್ ಮಂಡಿಸುವ ಮುಖೇನ ಕೋಟ್ಯಾಂತರ ರೈತರ ಹೃದಯದಲ್ಲಿ ನೆಲೆಸಿದ ಅಪರೂಪದ ರಾಜಕಾರಣಿ ಎಂದು ಬಣ್ಣಿಸಿದರು.
ಬಿಜೆಪಿ ಜಿಲ್ಲಾ ಉಪಾಧ್ಯಕ್ಷ ಕನಕರಾಜ್ ಮಾತನಾಡಿ ಬಡವರು, ದೀನದಲಿತರ ಏಳಿಗೆಗೆ ಸದೃಢ ಆಡ ಳಿತ ನೀಡುವ ಆಲೋಚನೆಯಿದ್ದ ಯಡಿಯೂರಪ್ಪನವರು, ಅಧಿಕಾರ ಗಳಿಸಿಕೊಂಡು ಹಲವಾರು ಅಭಿವೃದ್ದಿ ಕಾರ್ಯಕ್ರಮ ಕೈಗೊಂಡಿದ್ಧನ್ನು ಇಂದಿನ ರಾಜ್ಯಸರ್ಕಾರ ನಕಲು ಮಾಡುತ್ತಿವೆ ಎಂದ ಅವರು ದೂರದೃಷ್ಟಿ ನಡೆ, ವಿಚಾರಧಾರೆ ಯಡಿಯೂರಪ್ಪರಲ್ಲಿ ಆಳವಾಗಿ ಅಡಗಿತ್ತು ಎಂದರು.
ಜಿಲ್ಲಾ ಯುವಮೋರ್ಚಾ ಅಧ್ಯಕ್ಷ ಸಂತೋಷ್ ಕೋಟ್ಯಾನ್ ಮಾತನಾಡಿ ಇತ್ತೀಚಿನ ದಿನಗಳಲ್ಲಿ ಜನ್ಮ ದಿನ ಎಂದರೆ ಕೇವಲ ಮೋಜು, ಮಸ್ತಿಯಂತಾಗಿದೆ. ಇದರ ಬದಲಾಗಿ ಸಾಮಾಜಿಕ ಕಾರ್ಯದ ಮುಖಾಂ ತರ ಪ್ರತಿಯೊಬ್ಬ ಗಣ್ಯರ ಜನ್ಮದಿನವನ್ನು ಆಚರಿಸಿಕೊಂಡರೆ, ಆ ವ್ಯಕ್ತಿಯ ಘನತೆ ಇನ್ನಷ್ಟು ಹೆಚ್ಚಲಿದೆ ಹಾಗೂ ಬದುಕು ಸಾರ್ಥಕವಾಗಲಿದೆ ಎಂದು ಹೇಳಿದರು.
ಇದೇ ವೇಳೆ ನಗರದ ಎಂ.ಜಿ.ರಸ್ತೆ ಗಣಪತಿ ದೇವಾಲಯದಲ್ಲಿ ಕಾರ್ಯಕರ್ತರು ತೆರಳಿ ಯಡಿಯೂ ರಪ್ಪನವರ ಧೀರ್ಘಾಯುಷ್ಯ ಲಭಿಸಲೆಂದು ಪ್ರಾರ್ಥಿಸಿದರು. ಬಳಿಕ ಇಂದಾವರ ಸಮೀಪ ಅನ್ನಪೂರ್ಣ ವೃದ್ದಾಶ್ರಮದ ಹಿರಿಯ ಜೀವಗಳಿಗೆ ಹಣ್ಣು-ಹಂಪಲು, ಬ್ರೆಡ್‌ನ್ನು ವಿತರಿಸಿದರು.
ಈ ಸಂದರ್ಭದಲ್ಲಿ ರಾಜ್ಯ ಎಸ್ಸಿ ಮೋರ್ಚಾ ಕಾರ್ಯದರ್ಶಿ ಸೀತಾರಾಮಭರಣ್ಯ, ಜಿಲ್ಲಾ ಎಸ್ಸಿ ಮೋ ರ್ಚಾ ಅಧ್ಯಕ್ಷ ಕುರುವಂಗಿ ವೆಂಕಟೇಶ್, ನಗರ ಮೋರ್ಚಾ ಅಧ್ಯಕ್ಷ ಜೀವನ್ ಕೋಟೆ, ನಗರಸಭಾ ಸದಸ್ಯ ಜೆ.ರಾಜು, ಮಧ್ಯಮ ಪ್ರಮುಖ್ ಕೋಟೆ ದಿನೇಶ್, ಯುವಮೋರ್ಚಾ ಪ್ರಧಾನ ಕಾರ್ಯದರ್ಶಿ ಸಚ್ಚಿನ್‌ಗೌಡ, ಕಾರ್ಯದರ್ಶಿ ಗೌತಮ್, ಮುಖಂಡರುಗಳಾದ ನೆಟ್ಟಕೆರೆಹಳ್ಳಿ ಜಯಣ್ಣ, ರೇವನಾಥ್, ಹೆಚ್.ಕೆ.ಕೇಶವಮೂ ರ್ತಿ, ರವಿ, ಶಿವಕುಮಾರ್ ಮತ್ತಿತರರಿದ್ದರು.
- ಸುರೇಶ್‌ ಎನ್.