ಚಿಕ್ಕಮಗಳೂರು-ಕನ್ನಡ ಜಾನಪದ ಪರಿಷತ್-ತಾಲೂಕು ಮಹಿಳಾ ಘಟಕದ ಅಧ್ಯಕ್ಷರಾಗಿ ಚೈತ್ರ ಎಸ್ ಗೌಡ

ಚಿಕ್ಕಮಗಳೂರು-ಕನ್ನಡ ಜಾನಪದ ಪರಿಷತ್ತಿನ ಚಿಕ್ಕಮಗಳೂರು ತಾಲೂಕು ಮಹಿಳಾ ಘಟಕದ ಅಧ್ಯಕ್ಷರಾಗಿ ಶ್ರೀಮತಿ ಚೈತ್ರ ಎಸ್ ಗೌಡ ಅವರು ಆಯ್ಕೆಯಾಗಿದ್ದಾರೆ.

ಕನ್ನಡ ಜಾನಪದ ಪರಿಷತ್ತು ತನ್ನ ಎಲ್ಲಾ ಕೇಂದ್ರಿತ ಜಾನಪದ ಚಟುವಟಿಕೆಗಳನ್ನು ಎಲ್ಲಾ ತಾಲೂಕುಗಳ ಗ್ರಾಮ ಮತ್ತು ಹೋಬಳಿ ಮಟ್ಟದಿಂದ ಸದೃಢವಾಗಿಸಲು ಮತ್ತು ವಿಸ್ತರಿಸಲು ಕನ್ನಡ ಜಾನಪದ ಪರಿಷತ್ತಿನ ಚಿಕ್ಕಮಗಳೂರು ಜಿಲ್ಲಾಧ್ಯಕ್ಷರ ಶಿಫಾರಸ್ಸಿನ ಮೇಲೆ ಚೈತ್ರ ಅವರನ್ನು ಮುಂದಿನ ಆದೇಶದವರೆಗೂ ಆಯ್ಕೆ ಮಾಡಲಾಗಿದೆ ಎಂದು ರಾಜ್ಯಧ್ಯಕ್ಷರಾದ ಡಾಕ್ಟರ್ ಎಸ್ ಬಾಲಾಜಿ ಅವರು ತಿಳಿಸಿದ್ದಾರೆ.

ಈ ಮೂಲಕ ಆಯ್ಕೆಯಾಗಿರುವ ಚೈತ್ರ ಗೌಡ ಅವರು 15 ದಿನಗಳ ಒಳಗಾಗಿ ತಾಲೂಕು ಸಮಿತಿಯನ್ನು ರಚಿಸಿ ಅದರ ಪಟ್ಟಿಯನ್ನು ಜಿಲ್ಲಾಧ್ಯಕ್ಷರ ಮೂಲಕ ಅನುಮೋದನೆ ಪಡೆಯಲು ರಾಜ್ಯಾಧ್ಯಕ್ಷರ ಕಚೇರಿಗೆ ಕಳಿಸಿ ಕೊಡಬೇಕೆಂದು ತಿಳಿಸಲಾಗಿದೆ.