ಮೈಸೂರು: ಡೇರಿಂಗ್ ಸ್ಟಾರ್ ಎಸ್ ಜಯಪ್ರಕಾಶ್ ( ಜೆ ಪಿ ) ನಟಿಸಿರುವ ಭಗೀರಥ ಚಲನಚಿತ್ರವು ರಾಜ್ಯಾದ್ಯಂತ ಬಿಡುಗಡೆ ಆಗುತ್ತಿದೆ. ಫೆ.07 ಶುಕ್ರವಾರದಂದು ಬೆಳಗ್ಗೆ 10 ಗಂಟೆಗೆ ಶ್ರೀ ಕೋಟೆ ಆಂಜನೇಯ ಸ್ವಾಮಿ ದೇವಸ್ಥಾನದಿಂದ, ಪ್ರಭಾ ಚಿತ್ರಮಂದಿರದವರಿಗೆ ಸ್ಟಾರ್ ಮೆರವಣಿಗೆಯನ್ನು ಏರ್ಪಡಿಸಿದ್ದೇವೆ. ಈ ಮೆರವಣಿಗೆಯಲ್ಲಿ ಜೆಪಿ ರವರ ಅಭಿಮಾನಿಗಳು, ಸ್ನೇಹಿತರು ಬಂಧು ಮಿತ್ರರು ಪಾಲ್ಗೊಳ್ಳಬೇಕೆಂದು ಈ ಮೂಲಕ ಕೋರುತ್ತೇವೆ ಎಂದು ಕಾವೇರಿ ಕ್ರಿಯಾ ಸಮಿತಿಯ ತೇಜೇಶ್ ಲೋಕೇಶ್ ಗೌಡ ಹೇಳಿದರು.
ಮೈಸೂರಿನ ಜಲ ದರ್ಶಿನಿಯಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈ ಭಗೀರಥ ಪ್ರತಿಯೊಬ್ಬ ಮನುಷ್ಯನಲ್ಲಿ ಇರುವಂತಹ ಸಾಹಸಕತೆ, ಅಸಾಧ್ಯವಾದದನ್ನು ಸಾಧ್ಯವಾಗಿಸುವ ಚಿತ್ರದ ಕಥೆ. ಈ ಸಿನಿಮಾದಲ್ಲಿ ಒಂದು ಸಾಮಾಜಿಕ ಸಂದೇಶ ಇದೆ. ಯುವಕರಿಗೆ ಏನು ಕನ್ನಡದ ಕಣ್ಮಣಿ, ಕನ್ನಡಿಗರ ಆರಾಧ್ಯ ದೈವ ಡಾ. ರಾಜಕುಮಾರ್ ರವರ ಸಿನಿಮಾಗಳಲ್ಲಿ ಸಾಮಾಜಿಕ ಸಂದೇಶಗಳು ಇರುತ್ತಿದ್ದವೋ, ಅದೇ ಮಾದರಿಯಲ್ಲಿ ಈ ಸಿನಿಮಾದಲ್ಲಿಯೂ ಜೀವನದಲ್ಲಿ ಸಾಧಿಸಬೇಕಾದನ್ನು ಗುರಿಯಾಗಿಟ್ಟುಕೊಂಡು ಸಾಧಿಸಬೇಕು ಎಂಬ ಸಂದೇಶವಿದೆ. ಆದುದರಿಂದ ಪ್ರತಿಯೊಬ್ಬ ಕನ್ನಡಿಗರು, ವಿಧ್ಯಾರ್ಥಿ ದೆಸೆಯಿಂದ ಹೋರಾಟಗಳನ್ನು ಮಾಡಿಕೊಂಡು ಬಂದಿರುವ ಹಿರಿಯ ಹೋರಾಟಗಾರರಾದ ಹಾಗೂ ಕಾವೇರಿ ಕ್ರಿಯಾ ಸಮಿತಿಯ ಅಧ್ಯಕ್ಷ ಎಸ್ ಜಯ ಪ್ರಕಾಶ್ ರವರ ಈ ಚಿತ್ರವನ್ನು ನೋಡಲೇಬೇಕು. ಕನ್ನಡ ಸಿನಿಮಾಗಳನ್ನು ನೋಡಿ ಕನ್ನಡ ಕಲಾವಿದರುಗಹನ್ನು ಬೆಳೆಸಬೇಕು ಎಂದರು.
ಈ ವೇಳೆ ಸಿಂದುವಳ್ಳೀ ಶಿವಕುಮಾರ್, ಭಾಗ್ಯಮ್ಮ , ನಾಗರಾಜ್, ಬೋಗಾದಿ ಸಿದ್ದೇಗೌಡ ,ಲತಾ ಶಂಕರಿ, ಸುಧಾಮಣಿ, ಪುಷ್ಪಾವತಿ, ವಿನೋದ್ ಕುಮಾರ್, ಮಂಜುಳಾ , ಕೃಷ್ಣಪ್ಪ , ರವೀಶ್, ಮಹೇಶ್ ಒಂಟಿಕೊಪಲು, ಅಶೋಕ್ ಹನುಮಂತಯ್ಯ , ಪೈ ನಾಗರಾಜು, ಆಟೋ ಶಿವು ಭಗೀರಥ, ವಿಷ್ಣು ಸೇರಿದಂತೆ ಇನ್ನಿತರರು ಉಪಸ್ಥಿತರಿದ್ದರು