ಕೊಪ್ಪ;ತಾಲೂಕಿನ ವಲಯ ಮಟ್ಟದ ಕ್ರೀಡಾಕೂಟ ಭಾನುವಾರ ಕೊಪ್ಪದ ಬಾಳಗಡಿಯ ಸರ್ಕಾರಿ ಪ್ರಥಮದರ್ಜೆ ಕಾಲೇಜಿನ ಕ್ರೀಡಾಂಗಣದಲ್ಲಿ ನೆರವೇರಿತು.
ಕೊಪ್ಪ ಪಟ್ಟಣ,ಬಾಳಗಡಿ ಮತ್ತು ನಾರ್ವೆ ವಲಯಗಳ ಕ್ರೀಡಾಕೂಟದಲ್ಲಿ ನಾರ್ವೆ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಬಾಲಕರು ಖೋ ಖೋ ಮತ್ತು ಕಬ್ಬಡಿಯಲ್ಲಿ ಪ್ರಥಮ ಸ್ಥಾನವನ್ನು ಪಡೆದರೆ ಬಾಲಕಿಯರು ಕಬ್ಬಡಿಯಲ್ಲಿ ಪ್ರಥಮ ಹಾಗೂ ಖೋ ಖೋ ದಲ್ಲಿ ದ್ವಿತೀಯ ಸ್ಥಾನವನ್ನು ಗಳಿಸಿಕೊಂಡರು.
ಈ ಮೂಲಕ ತಾಲೂಕು ಮಟ್ಟದ ಕ್ರೀಡಾಕೊಟದಲ್ಲಿ ಭಾಗವಹಿಸಲು ನಾರ್ವೆ ಸರಕಾರಿ ಶಾಲೆ ಅರ್ಹತೆ ಗಿಟ್ಟಿಸಿಕೊಂಡಿತು.
ಶಾಲೆಯ ಮುಖ್ಯಶಿಕ್ಷಕಿ ಗಿರಿಜಾ,ಶಿಕ್ಷಕರಾದ ಶಂಕ್ರಪ್ಪ ಶಿಕ್ಷಕಿಯರಾದ ಶಬೀನಾ ಹಾಗೂ ಗೌತಮಿ ರವರು ಸಾಧನೆಗೈದ ತಮ್ಮ ವಿದ್ಯಾರ್ಥಿಗಳನ್ನು ಅಭಿನಂದಿಸಿದರು.
ನಾರ್ವೆ ಶಾಲೆಯ ಹಳೆಯ ವಿದ್ಯಾರ್ಥಿಗಳಾದ ಶಮಂತ,ಸುದೀಪ ಹಾಗೂ ಪ್ರದೀಪರವರು ಮಕ್ಕಳಿಗೆ ಮಾರ್ಗದರ್ಶನ ನೀಡಿದ್ದು ವಿಶೇಷವಾಗಿತ್ತು.
——————–ವರದಿ :ಹರೀಶ್ ನಾರ್ವೆ