ಕೊರಟಗೆರೆ:-ಹಣೆಬರಹ ಚೆನ್ನಾಗಿದ್ದರೆ ಯಮನು ದೂರ ಇರುತ್ತಾನೆ ಅನ್ನುತ್ತಾರಲ್ಲ ಅದಕ್ಕೊಂದು ಉದಾಹರಣೆಯಾಗಿ ಈ ಅಪಘಾತವನ್ನು ನೋಡಬಹುದು.
ಇಂದು ತಾಲೂಕಿನ ಕೋಳಾಲ ಹೋಬಳಿಯ,ಎಲೆರಾಂಪುರ ಗ್ರಾಮ ಪಂಚಾಯತಿ ವ್ಯಾಪ್ತಿಯ,ಬೆಂಗಳೂರು ಹಾಗೂ ಪಾವಗಡ ಮುಖ್ಯ ರಸ್ತೆಯ ವಡ್ಡರಹಳ್ಳಿ ಗ್ರಾಮದಲ್ಲಿ ಖಾಸಗಿ ಬಸ್ ಹಾಗೂ ಕಾರು ನಡುವೆ ಭೀಕರ ಅಪಘಾತ ಸಂಭವಿಸಿದೆ.
ಅಪಘಾತದ ಭೀಕರತೆ ಹೇಗಿದೆಯೆಂದರೆ ಕಾರಿನಲ್ಲಿದ್ದ ಯಾವ ಪ್ರಯಾಣಿಕರು ಬದುಕುಳಿಯಲು ಸಾಧ್ಯವಿಲ್ಲ ಅನ್ನುವಂತಿದೆ.ಆದರೆ ಅದೃಷ್ಟವಶಾತ್ ಕಾರಿನಲ್ಲಿದ್ದ ನಾಲ್ಕು ಜನ ಪ್ರಯಾಣಿಕರು ಸಣ್ಣಪುಟ್ಟ ಗಾಯಗಳೊಂದಿಗೆ ಜೀವಾಪಾಯದಿಂದ ಪಾರಾಗಿದ್ದಾರೆ ಎಂಬ ಮಾಹಿತಿಗಳಿವೆ.
ಕಾರನ್ನು ಬೆಂಗಳೂರು ಮೂಲದ್ದೆಂದು ಗುರುತಿಸಲಾಗಿದ್ದು ಅಕ್ಕಿರಾಂಪುರ ಸಂತೆಗೆ ಕುರಿಗಳನ್ನು ಕೊಳ್ಳಲು ಬಂದಿದ್ದರೆಂಬ ಮಾಹಿತಿಗಳಿವೆ.
ಈ ಹೆದ್ದಾರಿಯಲ್ಲಿ ದಿನನಿತ್ಯವೂ ಒಂದಲ್ಲ ಒಂದು ಅಪಘಾತ ನಡೆಯುತ್ತಲೇ ಇರುತ್ತವೆ.ಇದಕ್ಕೆ ಅತಿಯಾದ ವೇಗವೇ ಕಾರಣವಾಗಿದೆ.ಪೊಲೀಸರು ವಾಹನಗಳ ವೇಗ ನಿಯಂತ್ರಿಸಲು ದಂಡ ಹಾಕುವಂತಹ ಬಿಗಿ ಕ್ರಮಗಳನ್ನು ಕೈಗೊಳ್ಳಬೇಕೆಂದು ಸಾರ್ವಜನಿಕರು ಆಗ್ರಹಿಸಿದ್ದಾರೆ.
ಸ್ಥಳಕ್ಕೆ ಕೊರಟಗೆರೆ ಠಾಣೆಯ ಸಿ.ಪಿ.ಐ ಅನಿಲ್,ಕೊಳಾಲ ಠಾಣೆಯ ಪಿ.ಎಸ್.ಐರವರುಗಳಾದ ರೇಣುಕಾ ಯಾದವ್ ಮತ್ತು ಯೋಗೀಶ್ ರವರು ಭೇಟಿ ನೀಡಿ ಕೇಸ್ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
—————–ಶ್ರೀನಿವಾಸ್ ಕೊರಟಗೆರೆ