ಕೊರಟಗೆರೆ:– ತಾಲ್ಲೂಕಿನ ಕಸಬಾ ವಿ.ಎಸ್.ಎಸ್.ಎನ್ ನೂತನ ಅದ್ಯಕ್ಷರಾಗಿ ಕೆ.ಎಸ್.ವಿನಯ್‌ಕುಮಾರ್ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಕೊರಟಗೆರೆ ಪಟ್ಟಣದಲ್ಲಿರುವ ಕಸಬಾ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದಲ್ಲಿ 12 ನಿರ್ದೇಶಕರಿದ್ದು ಹಿಂದಿನ ಅದ್ಯಕ್ಷ ಹೆಚ್.ಸಿ.ರಾಜಣ್ಣ ರವರ ರಾಜೀನಾಮೆಯಿಂದ ಅಧ್ಯಕ್ಷ ಸ್ಥಾನ ತೆರವಾಗಿತ್ತು. ಫೆ.21 ಬುಧವಾರ 11 ಗಂಟೆಗೆ ವಿ.ಎಸ್.ಎಸ್.ಎನ್ ಕಛೇರಿಯಲ್ಲಿ ನಡೆದ ಅಧ್ಯಕ್ಷರ ಚುನಾವಣೆಯಲ್ಲಿ ನಿರ್ದೇಶಕ ಕೆ.ಎಸ್.ವಿನಯ್‌ಕುಮಾರ್ ಅರ್ಜಿ ಸಲ್ಲಿಸಿದ್ದರು. ಅದ್ಯಕ್ಷ ಸ್ಥಾನಕ್ಕೆ ಒಂದೇ ಅರ್ಜಿ ಸಲ್ಲಿಕೆ ಆದ್ದರಿಂದ ಕೆ.ಎಸ್.ವಿನಯ್‌ಕುಮಾರ್‌ರವರನ್ನು ಅವಿರೋಧವಾಗಿ ಅಧ್ಯಕ್ಷರನ್ನಾಗಿ ಚುನಾವಣಾಧಿಕಾರಿ ಗುರುರಾಜ್ ಘೋಷಿಸಿದರು.
ನೂತನ ಅಧ್ಯಕ್ಷ ವಿನಯ್‌ಕುಮಾರ್ ಮಾತನಾಡಿ ಸಂಘದ ಎಲ್ಲಾ ನಿರ್ದೇಶಕರ ಸಹಕಾರದಿಂದ ಅವಿರೋಧವಾಗಿ ಅಧ್ಯಕ್ಷನಾಗಿ ಆಯ್ಕೆಯಾಗಿದ್ದೇನೆ, ಕ್ಷೇತ್ರದ ಶಾಸಕರು ಹಾಗೂ ಗೃಹಸಚಿವರಾದ ಡಾ.ಜಿ.ಪರಮೇಶ್ವರ್ ಹಾಗೂ ಸಹಕಾರ ಸಚಿವರಾದ ಕೆ.ಎನ್. ರಾಜಣ್ಣರವರ ಆಶೀರ್ವಾದದಿಂದ ಎಲ್ಲಾ ನಿರ್ದೆಶಕರನ್ನು ಒಟ್ಟುಗೂಡಿಸಿಕೊಂಡು ಈ ನಮ್ಮ ಸಹಕಾರ ಸಂಘವನ್ನು ಮತ್ತಷ್ಟು ಶಕ್ತಿಯುತವನ್ನಾಗಿ ಮಾಡುತ್ತೇವೆ ಆಯ್ಕೆಗೆ ಸಹಕರಿಸಿದ ಎಲ್ಲ್ಲರಿಗೂ ಧನ್ಯವಾದ ತಿಳಿಸುವುದಾಗಿ ಹೇಳಿದರು.
ಡಿ.ಸಿ.ಸಿ.ಬ್ಯಾಂಕ್ ನಿರ್ದೇಶಕ ಹನುಮಾನ್ ಮಾತನಾಡಿ ಈ ಸಹಕಾರ ಸಂಘಕ್ಕೆ ಇಲ್ಲಿಯವರೆಗೂ ೪ ಕೋಟಿ ಕೆ.ಸಿ.ಸಿ. ಸಾಲವನ್ನು ೭೦೦ ಕ್ಕೂ ಹೆಚ್ಚು ರೈತರಿಗೆ ನೀಡಲಾಗಿದೆ, ಮುಂದಿನ ದಿನಗಳಲ್ಲಿ ಗೃಹ ಸಚಿವರು ಹಾಗೂ ಸಹಕಾರ ಸಚಿವರ ಮಾರ್ಗದರ್ಶನದಲ್ಲಿ ನೂತನ ಅದ್ಯಕ್ಷರಾದ ವಿನಯ್‌ಕುಮಾರ್ ಉಳಿದ ರೈತರಿಗೆ ಸಾಲ ನೀಡುವ ಕೆಲಸವನ್ನು ಮಾಡಲಿದ್ದಾರೆ ಎಂದರು.
ನಿರ್ದೇಶಕ ಕೆ.ವಿ.ಪುರುಷೋತ್ತಮ್ ಮಾತನಾಡಿ ತಾಲ್ಲೂಕಿನಲ್ಲಿಯೇ ಕಸಬಾ ವಿ.ಎಸ್.ಎಸ್.ಎನ್ ಅತಿ ದೊಡ್ಡ ಸಹಕಾರ ಸಂಘವಾಗಿದೆ, ಕೊರಟಗೆರೆ ಪಟ್ಟಣ, ಹುಲಿಕುಂಟೆ, ಹಂಚಿಹಳ್ಳಿ ಗ್ರಾಮ ಪಂಚಾಯ್ತಿಗಳು ಹಾಗೂ ನೀಲಗೊಂಡನಹಳ್ಳಿಯ ಗ್ರಾಮ ಪಂಚಾಯ್ತಿಯ ಕೆಲವು ಗ್ರಾಮಗಳನ್ನು ಸಹಕಾರ ಸಂಘವು ವ್ಯಾಪ್ತಿಯನ್ನು ಹೊಂದಿದೆ, ಕೆಲವು ವರ್ಷಗಳ ಹಿಂದೆ ಸಂಪೂರ್ಣವಾಗಿ ಮುಚ್ಚಿಹೋಗಿದ್ದ ಈ ಸಂಘವನ್ನು ಸಹಕಾರ ಸಚಿವರಾದ ಕೆ.ಎನ್ ರಾಜಣ್ಣನವರು ಮತ್ತೆ ಮುನ್ನೆಲೆಗೆ ತಂದು ಈ ಭಾಗದ ರೈತರಿಗೆ ನೆರವಾದರು, ಕ್ಷೇತ್ರದ ಜನಪ್ರಿಯ ಶಾಸಕರು ಹಾಗೂ ಗೃಹ ಸಚಿವರಾದ ಡಾ.ಜಿ.ಪರಮೇಶ್ವರ ರವರ ಅನುದಾನ ನೇತೃತ್ವದಿಂದ ಹಾಗೂ ಸಹಕಾರ ಸಚಿವರಾದ ಕೆ.ಎನ್.ರಾಜಣ್ಣನವರ ಮಾರ್ಗದರ್ಶನದಿಂದ ನೂತನ ಅದ್ಯಕ್ಷರು ಈ ಸಹಕಾರ ಸಂಘವನ್ನು ಮತ್ತುಷ್ಟು ಸದೃಡಪಡಿಸಲ್ಲಿದ್ದಾರೆ ಎಂದರು.
ಈ ಸಂದರ್ಭದಲ್ಲಿ ಸಂಘದ ಉಪಾದ್ಯಕ್ಷೆ ಸುಂದರಮ್ಮ, ನಿರ್ದೇಶಕರುಗಳಾದ ಹೆಚ್.ಸಿ.ರಾಜಣ್ಣ, ಕೃಷ್ಣಮೂರ್ತಿ, ಪುಟ್ಟನರಸಯ್ಯ, ಸುರೇಶ್, ರಮೇಶ್, ನೇತ್ರಾವತಿ, ತಿಮ್ಮಪ್ಪ, ದಿವಾಕರ, ಮೇಲ್ವಿಚಾರಕ ತಿಮ್ಮರಾಜು, ಮುಖ್ಯಕಾರ್ಯನಿರ್ವಾಹಕಾಧಿಕಾರಿ ಬಿ.ಓ.ಕೃಷ್ಣಮೂರ್ತಿ, ದಿವಾಕರ್, ಮಾರುತಿ, ಬ್ಲಾಕ್ ಕಾಂಗ್ರೆಸ್ ಅದ್ಯಕ್ಷ ಅಶ್ವಥನಾರಾಯಣ್, ಜೆಡಿಎಸ್ ನೂತನ ತಾಲ್ಲೂಕು ಅದ್ಯಕ್ಷ ಕಾಮರಾಜು, ಪ.ಪಂ ಸದಸ್ಯ ಓಬಳರಾಜು, ಮಾಜಿ ಉಪಾದ್ಯಕ್ಷ ಮಂಜುನಾಥ್, ಮಾಜಿ ಸದಸ್ಯ ಲಾರಿ ಸಿದ್ದಪ್ಪ, ತುಂಗಾಮಂಜುನಾಥ್, ಸಿದ್ದಲಿಂಗಪ್ಪ. ಗಂಗಾಧರಪ್ಪ, ಕಾರ್‌ಮಹೇಶ್, ಶಿವಾನಂದ್, ನಟರಾಜು, ಕಾಕಿಮಲ್ಲಯ್ಯ ಸೇರಿದಂತೆ ಇತರರು ಹಾಜರಿದ್ದರು.