ಕೊರಟಗೆರೆ-ಕೆರೆಗೆ ಜಾರಿ ಬಿದ್ದ ಮಗಳನ್ನು ರಕ್ಷಿಸಲು ಮುಂದಾದ ತಂದೆಯು ಮಗಳೊಂದಿಗೆ ಮೃತಪಟ್ಟ ಹೃದಯವಿದ್ರಾವಕ ಘಟನೆ ಕೊರಟಗೆರೆಯಿಂದ ವರದಿಯಾಗಿದೆ.
ಬೆಂಗಳೂರು ಮೂಲದ ಪಿರ್ಧೋಷ್ (39 ವರ್ಷ) ಮಗಳು ಅಹೀಮಾ ( 6 ವರ್ಷ) ನೀರಿನಲ್ಲಿ ಮುಳುಗಿ ಸಾವಿಗೀಡಾದರೆ ಅದೃಷ್ಟವಶಾತ್ ಮಡದಿ ಸರೀನಾ ಬದುಕುಳಿದಿದ್ದಾರೆ.
ಪ್ರವಾಸಕ್ಕೆಂದು ಬಂದಿದ್ದ ಮುಗ್ದ ಜೀವಗಳು
ಬೆಂಗಳೂರಿನ ಫಿರ್ದೋಸ್ ತನ್ನ ಮಗಳು ಹೆಂಡತಿಯೊಂದಿಗೆ ಕೊರಟಗೆರೆ ಪಟ್ಟಣದ ಗಿರಿನಗರದ ಸ್ನೇಹಿತರ ಮನೆಗೆ ಆಗಮಿಸಿದ್ದರು.ಪ್ರವಾಸಿ ತಾಣಗಳಿಗೆ ಭೇಟಿ ನೀಡುವ ಉದ್ದೇಶದಿಂದ ತುಂಬಾಡಿ ಕೆರೆಗೆ ತೆರಳಿದ್ದ ಸಂದರ್ಭದಲ್ಲಿ ಆಕಸ್ಮಿಕವಾಗಿ ಕೆರೆಗೆ ಬಿದ್ದ ಮಗಳನ್ನು ರಕ್ಷಿಸಲು ಫಿರ್ದೋಸ್ ಕೆರೆಗೆ ದುಮುಕಿದ್ದಾರೆ.
ಆದರೆ ವಿಧಿ ಅವರನ್ನು ಮೇಲೆ ಬರಲು ಬಿಡಲೇ ಇಲ್ಲ.ತಮ್ಮ ಮುದ್ದು ಮಗಳ ಜೊತೆಗೆ ಆತನು ಪ್ರಾಣ ಬಿಟ್ಟಿದ್ದಾರೆ.
ಅಗ್ನಿಶಾಮಕ ದಳ,ಪೊಲೀಸರು ಹಾಗು ಸ್ಥಳೀಯರ ಅವಿರತ ಪ್ರಯತ್ನದಿಂದ ಇಬ್ಬರ ಮೃತ ದೇಹಗಳು ಪತ್ತೆಯಾಗಿದ್ದು,ಕೊರಟಗೆರೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
——————ಶ್ರೀನಿವಾಸ್ ಕೊರಟಗೆರೆ