ಕೊಟ್ಟಿಗೆಹಾರ: ಮಂಗಳೂರಿನಲ್ಲಿ ಸಂಭವಿಸಿದ ಹಿಂದೂ ಮುಖಂಡ ಸುಹಾಸ್ ಶೆಟ್ಟಿ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿ, ಮೂಡಿಗೆರೆ ಪ್ರದೇಶದ ಹಿಂದೂ ಕಾರ್ಯಕರ್ತರ ತಂಡ ಶೆಟ್ಟಿ ಅವರ ನಿವಾಸಕ್ಕೆ ಭೇಟಿ ನೀಡಿ, ಕುಟುಂಬಕ್ಕೆ ಸಾಂತ್ವನ ಹೇಳಿದರು ಹಾಗೂ ಧನಸಹಾಯ ವಿತರಿಸಿದರು.
ಮೂಡಿಗೆರೆ ಪಟ್ಟಣ ಪಂಚಾಯಿತಿ ಸದಸ್ಯ ಅನುಕುಮಾರ್ ಅವರು ಮಾತನಾಡಿ, “ಸುಹಾಸ್ ಶೆಟ್ಟಿ ಹತ್ಯೆ ಪ್ರಕರಣವನ್ನು ಎನ್‌ಐಎಗೆ ವಹಿಸಿರುವುದು ಸ್ವಾಗತಾರ್ಹ. ಇಂತಹ ದೌರ್ಜನ್ಯ ಕೃತ್ಯಗಳು ಮಂಗಳೂರು ಭಾಗದಲ್ಲಿ ನಿಲ್ಲಬೇಕು. ಕೋಮು ಸೌಹಾರ್ದತೆ ರಾಜ್ಯದಲ್ಲಿ ಕಾಪಾಡಬೇಕು,” ಎಂದು ತಿಳಿಸಿದರು.
ಹಿಂದೂ ಮುಖಂಡ ಸಂಜಯ್ ಗೌಡ ಅವರು, “ಸುಹಾಸ್ ಶೆಟ್ಟಿ ಸಮರ್ಥ ನಾಯಕರಾಗಿದ್ದರು. ಅವರ ನಿಧನ ಹಿಂದೂ ಸಮುದಾಯಕ್ಕೆ ತುಂಬಲಾರದ ನಷ್ಟ. ಅವರ ಕುಟುಂಬದ ಬೆಂಬಲಕ್ಕೆ ನಾವು ಸದಾ ಸಿದ್ಧ,” ಎಂದು ಭಾವನೆ ವ್ಯಕ್ತಪಡಿಸಿದರು.
ಧನ ಸಹಾಯ ವಿತರಣೆ:
ಈ ಸಂದರ್ಭದಲ್ಲಿ ಕಾರ್ಯಕರ್ತರು ಶೆಟ್ಟಿ ಕುಟುಂಬಕ್ಕೆ ಧನ ಸಹಾಯ ವಿತರಿಸಿ, ಅವರ ದುಃಖದ ಕ್ಷಣದಲ್ಲಿ ಬೆಂಬಲ ಸೂಚಿಸಿದರು.
ಈ ಭೇಟಿಯಲ್ಲಿ ತ್ರಿಪುರ ಗ್ರಾ.ಪಂ. ಮಾಜಿ ಅಧ್ಯಕ್ಷ ರಘು, ಬಿಜೆಪಿ ಮುಖಂಡ ಕನ್ನೇಹಳ್ಳಿ ಭರತ್, ಎಸ್‌ಸಿ ಮೋರ್ಚಾ ಮುಖಂಡ ಸುಜೀತ್, ದೇವರಾಜ್, ಒಕ್ಕಲಿಗರ ಸಂಘದ ಬ್ರಿಜೇಶ್ ಕಡಿದಾಳ್, ಜೆಡಿಎಸ್ ಮುಖಂಡ ಸಂಪತ್, ಹಾಗೂ ಹಿಂದೂ ಕಾರ್ಯಕರ್ತರಾದ ಮಧು ಹೆಗ್ಗರವಳ್ಳಿ, ಕಾರ್ತಿಕ್ ಪಟ್ಟದೂರು, ಎ.ಆರ್. ಅಭಿಲಾಷ್, ವಿನಯ್, ಉತ್ತರಮ್, ಪ್ರದೀಪ್ ಬಿನ್ನಡಿ ಸೇರಿದಂತೆ 70ಕ್ಕೂ ಹೆಚ್ಚು ಕಾರ್ಯಕರ್ತರು ಉಪಸ್ಥಿತರಿದ್ದರು
–