ಕೊಟ್ಟಿಗೆಹಾರ-ಬಲಾಢ್ಯರಿಗೆ ಹೆದರುವ ದೇವರು ಬಡವರಿಗೆ ಕಷ್ಟ ಕೊಡಲು ಅವರ ಮನೆಯ ಬಾಗಿಲಿನಲ್ಲಿಯೇ ಕಾದು ಕುಳಿತಿರುತ್ತಾನೆ ಎಂಬ ಮಾತೊಂದಿದೆ.ಅದಕ್ಕೆ ಸಾಕ್ಷಿಯಾಗಿ ಇದೊಂದು ದುರಂತ ಘಟನೆಯನ್ನು ನಾವು ನೋಡಬಹುದು.
ಆಕೆ ಸಿರಿ, ಉಜಿರೆಯ ಕಾಲೇಜೊಂದರಲ್ಲಿ ವ್ಯಾಸಂಗ,ಆದಷ್ಟು ಬೇಗ ಓದನ್ನು ಮುಗಿಸಿ ಕೆಲಸ ಹಿಡಿದು,ತಮ್ಮನ್ನು ಆಟೋ ಓಡಿಸಿ ಕಷ್ಟಪಟ್ಟು ಸಾಕುತ್ತಿರುವ ತಂದೆ ಮಹೇಂದ್ರರಿಗೆ ಆಸರೆಯಾಗಬೇಕು.ಅವರ ಎಲ್ಲ ಆಸೆಗಳನ್ನೂ ಪೂರೈಸಬೇಕು ಎಂದು ಕನಸ್ಸು ಕಟ್ಟಿಕೊಂಡಿದ್ದ ಆಕೆಯ ಬಾಳಲ್ಲಿ ವಿಧಿ ಆಟವಾಡಿಬಿಟ್ಟಿದೆ.
ಎಂದಿನಂತೆ ಕಾಲೇಜು ಮುಗಿಸಿ ಮನೆಗೆ ಬರಲಿದ್ದ ಸಿರಿ ಬಾಡಿಗೆಯ ನಿಮಿತ್ತ ಉಜಿರೆಗೆ ಬಂದಿದ್ದ ತನ್ನ ತಂದೆಯ ಆಟೋವನ್ನೇ ಹತ್ತಿದ್ದಾಳೆ.
ಚಾರ್ಮಾಡಿ ಘಾಟಿನಲ್ಲಿ ಆಟೋ ಬರುತ್ತಿರುವ ವೇಳೆ ಅಪಘಾತ ಸಂಭವಿಸಿದ್ದು ಆಕೆಯ ತಲೆಗೆ ಮತ್ತು ಎದೆಗೆ ತೀವ್ರ ಪೆಟ್ಟು ಬಿದ್ದಿದೆ.
ತಕ್ಷಣ ಮಂಗಳೂರಿನ ಎ ಜೆ ಆಸ್ಪತ್ರೆಗೆ ಚಿಕಿತ್ಸೆಗಾಗಿ ಒಯ್ಯಲಾಯಿತಾದರೂ ತೀವ್ರ ಪೆಟ್ಟಾಗಿರುವುದರಿಂದ ಶಸ್ತ್ರ ಚಿಕಿತ್ಸೆಯ ಅಗತ್ಯವಿದೆ ಎಂದು ವೈದ್ಯರು ಹೇಳಿದ್ದು ಅದಕ್ಕಾಗಿ ಲಕ್ಷಾಂತರ ಹಣ ಖರ್ಚಾಗುವ ಮಾಹಿತಿಯನ್ನು ನೀಡಿದ್ದಾರೆ.
ಬಡ ಆಟೋ ಚಾಲಕ ಮಹೇಂದ್ರರ ಮೇಲೆ ಆಕಾಶವೇ ಕಳಚಿ ಬಿದ್ದಂತಾಗಿದೆ.ಕೈಯ್ಯಲ್ಲಿ ಬಿಡಿಗಾಸಿಲ್ಲ.
ವಿಧಿ ಇಲ್ಲದೆ ನಿಮ್ಮ ಮೊರೆ ಹೋಗಿದ್ದಾರೆ.ಹೇಗಾದರೂ ಮಾಡಿ ನನ್ನ ಮಗಳನ್ನು ಉಳಿಸಿಕೊಡಿ ಎಂದು ಅಂಗಲಾಚುತ್ತಿದ್ದಾರೆ.
ಈಗ ನೀವೇ ಅವರುಗಳ ಪಾಲಿಗೆ ದೇವರು.ಇಲ್ಲವೆನ್ನದೆ ತಮ್ಮ ಕೈಲಾದ ಮಟ್ಟಿಗೆ ಸಹಾಯ ಮಾಡಿ.ಜೀವವೊಂದನ್ನು ಉಳಿಸಿದ ಬಡ ಕುಟುಂಬವೊಂದನ್ನು ಸಂಕಷ್ಟದಿಂದ ಪಾರು ಮಾಡಿದ ಪುಣ್ಯ ನಿಮ್ಮದಾಗಲಿ.ಆ ಪುಣ್ಯ ನಿಮ್ಮ ಮಕ್ಕಳ ತಲೆ ಕಾಯುತ್ತೆ.
ಗೂಗಲ್ ಪೇ ಸಂಖ್ಯೆ ಹೀಗಿದೆ 7899880557
————–ಸೂರಿ ಬಣಕಲ್