ಮಂಡ್ಯ:ಮಂಡ್ಯ ವಿಧಾನಸಭಾ ಕ್ಷೇತ್ರದ ಚಿಕ್ಕ ಮಂಡ್ಯ ಗ್ರಾಮದಲ್ಲಿ 50 ಲಕ್ಷ ರೂ ವೆಚ್ಚದ ರಸ್ತೆ ಅಭಿವೃದ್ಧಿ ಕಾಮಗಾರಿಗೆ ಶಾಸಕ ರವಿಕುಮಾರ್ ಪಿ ಗೌಡ ಚಾಲನೆ ನೀಡಿದರು.
ನಂತರ ಮಾತನಾಡಿ, 50 ಲಕ್ಷ ರೂ ವೆಚ್ಚದಲ್ಲಿ 650 ಮೀಟರ್ ಗುಣಮಟ್ಟದ ಕಾಂಕ್ರೀಟ್ ರಸ್ತೆಗೆ ಭೂಮಿ ಪೂಜೆ ನೆರವೇರಿಸಿದ್ದೇನೆ. ಬಾಕಿ ಉಳಿದಿರುವ ಕಾಮಗಾರಿಗಳನ್ನು ಹಂತ ಹಂತವಾಗಿ ಪ್ರಾರಂಭ ಮಾಡುತ್ತೇನೆ. ಪರಿಶಿಷ್ಟ ಕಾಲೋನಿಗೆ 25 ಲಕ್ಷ ರೂ ಕಾಮಗಾರಿಗೆ ಶೀಘ್ರದಲ್ಲೇ ಚಾಲನೆ ನೀಡಲಿದ್ದೇನೆ. ಅಂಬೇಡ್ಕರ್ ಭವನಕ್ಕೆ ಮನವಿ ಮಾಡಿದ್ದಾರೆ ನನ್ನ ಅವಧಿಯಲ್ಲಿ ಅಂಬೇಡ್ಕರ್ ಭವನ ನಿರ್ಮಿಸಲು ಸಹಕರಿಸುತ್ತೇನೆ ಎಂದು ಭರವಸೆ ಕೊಟ್ಟರು.
ಕಾರ್ಯಕ್ರಮದಲ್ಲಿ ಪಣಕನಹಳ್ಳಿ ದೊರೆ ಯಜಮಾನ್ ಕಾಳೇಗೌಡ ಭಾಸ್ಕರ್ ಭಾಗವಹಿಸಿದ್ದರು.