ಮಂಡ್ಯ:ಪಿ.ಇ.ಟಿ ಒಳಾಂಗಣ ಕ್ರೀಡಾಂಗಣದಲ್ಲಿ ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಹಾಗೂ ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ವತಿಯಿಂದ ರಾಜ್ಯಮಟ್ಟದ ಚಾಂಪಿಯನ್ ಶಿಪ್ ಶಟಲ್ ಬ್ಯಾಡ್ಮಿಂಟನ್ ಸಮಾರೋಪ ಸಮಾರಂಭ ನಡೆಯಿತು.
ಸಮಾರಂಭದಲ್ಲಿ ಜಿಲ್ಲಾ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಕಾರ್ಯದರ್ಶಿ ಮನೋಹರ್ ಹಾಜರೆ ಮಾತನಾಡಿ 19 ವರ್ಷದ ಒಳಗಿನ ಹಾಗೂ ಸೀನಿಯರ್ ವಿಭಾಗದ ಹುಡುಗ ಹುಡುಗಿಯರು ಮತ್ತು ಪುರುಷ ಹಾಗೂ ಮಹಿಳೆಯರ ಪಂದ್ಯಾವಳಿ ಏಳು ದಿನಗಳ ಕಾಲ ನಡೆದಿದೆ.
ಒಟ್ಟು 496 ಸ್ಪರ್ಧಾಳುಗಳು ಈ ಆಟದಲ್ಲಿ ಭಾಗವಹಿಸಿ 328 ಪಂದ್ಯಾವಳಿ ನಡೆದಿದ್ದು ಆಟದಲ್ಲಿ ವಿಜೇತರಾದವರಿಗೆ ಒಟ್ಟು 2.25 ಲಕ್ಷ ರೂ ಬಹುಮಾನ ವಿತರಿಸಿದ್ದೇವೆ ಎಂದರು.
ಸಮಾರಂಭದಲ್ಲಿ ಡಾ.ಶಿವಕುಮಾರ್ ಬಹುಮಾನ ವಿತರಿಸಿದರು ಜಿಲ್ಲಾ ಟ್ರಸ್ಟ್ ನ ಅನಿಲ್ ಕುಮಾರ್ ಸೇರಿದಂತೆ ಹಲವರು ಭಾಗವಹಿಸಿದ್ದರು.