ಮಂಡ್ಯ:ಕನ್ನಡ ಚಿತ್ರರಂಗ ಕಂಡ ಅದ್ಭುತ ರಂಗ ಭೂಮಿ ಕಲಾವಿದ ನಟ ನಿರ್ದೇಶಕ ಶಂಕರ್ ನಾಗ್ ಜನರ ಮನದಲ್ಲಿ ಅಚ್ಚ ಹಸಿರಾಗಿ ಉಳಿದಿದ್ದಾರೆ ಎಂದು ಜಯ ಕರ್ನಾಟಕ ಸಂಘಟನೆಯ ಜಿಲ್ಲಾಧ್ಯಕ್ಷ ಯೋಗಣ್ಣ ಶ್ಲಾಘನೆ ವ್ಯಕ್ತಪಡಿಸಿದರು.
ಅಶೋಕ್ ನಗರದ ಸರೋವರ ಹೋಟೆಲ್ ನಲ್ಲಿ ಜಯ ಕರ್ನಾಟಕ ಸಂಘಟನೆ ವತಿಯಿಂದ ಶಂಕರ್ ನಾಗ್ ಜನ್ಮದಿನದ ಪ್ರಯುಕ್ತ ಹಮ್ಮಿಕೊಳ್ಳಲಾಗಿದ್ದ ಪೌರಕಾರ್ಮಿಕರಿಗೆ ಅಭಿನಂದನಾ ಸಮಾರಂಭದಲ್ಲಿ ಭಾಗವಹಿಸಿ ಮಾತನಾಡಿದರು.
ಶಂಕರ್ ನಾಗ್ ಅವರು ಜನರ ಮನಸ್ಸಿನಲ್ಲಿ ಇನ್ನು ಜೀವಂತವಾಗಿ ಉಳಿದಿದ್ದಾರೆ ಎಂದರೆ ಅವರು ಮಾಡಿರುವ ಸಹಾಯ ಸಾಧನೆ ಎಲ್ಲವೂ ಕಾರಣವಾಗಿದೆ. ಅವರ ಎಲ್ಲಾ ಕೆಲಸದಲ್ಲೂ ಯಶಸ್ಸು ಕಾಣಲು ಅವರ ಪರಿಶ್ರಮ ಅನನ್ಯವಾದದ್ದು ಎಂದು ಹೇಳಿದರು.
ನಗರಸಭೆ ಅಧ್ಯಕ್ಷ ಪ್ರಕಾಶ್ ಮಾತನಾಡಿ ನಟ ಶಂಕರ್ ನಾಗ್ , ಆಟೋ ಚಾಲಕರು, ಕಾರ್ಮಿಕರು, ಪೋಲಿಸ್ ಅಧಿಕಾರಿ ಹಲವು ರೀತಿಯಲ್ಲಿ ತೆರೆಯ ಮೇಲೆ ನಟನೆ ಮಾಡಿ ಜನರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಅವರು ಬದುಕಿದ್ದು ಕಡಿಮೆ ವರ್ಷವಾದರೂ ಅವರ ಸಾಧನೆ ದೊಡ್ಡದಾಗಿದೆ ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ನಗರ ಸಭೆ ಸದಸ್ಯರಾದ ರವಿ, ಶಿವಲಿಂಗು ಜೀವಧಾರೆ ಟ್ರಸ್ಟ್ ನ ನಟರಾಜು ಮುಖಂಡರಾದ ವಸಂತ್ ಕುಮಾರ್, ಜೈ ಕರ್ನಾಟಕ ಸಂಘಟನೆಯ ತಾಲೂಕು ಅಧ್ಯಕ್ಷರುಗಳಾದ, ಸೋಮಶೇಖರ್, ರಮೇಶ್, ಸುರೇಶ್, ರವೀಂದ್ರ ಪದಾಧಿಕಾರಿಗಳಾದ ಬಸವರಾಜು ವೆಂಕಟೇಶ್ ಭಾಗವಹಿಸಿದ್ದರು.