ಚಿಕ್ಕಮಗಳೂರು/ಮೂಡಿಗೆರೆ-17ನೆ ವರ್ಷದೊಳಗಿನ ಬಾಲಕಿಯರ ಶಾಲಾ ಮಟ್ಟದ ರಾಷ್ಟ್ರೀಯ ಕ್ರೀಡಾಕೊಟಕ್ಕೆ ಕುಮಾರಿ ಹಿತೈಷಿ ಗೌಡ ಪಿ ಎಂ ಆಯ್ಕೆಯಾಗಿದ್ದಾರೆ.
ನಗರದ ಖ್ಯಾತ ಸೆಂಟ್ ಮೇರಿಸ್ ಇಂಟರ್ನ್ಯಾಷನಲ್ ಶಾಲೆಯಿಂದ ಒಟ್ಟು ಹನ್ನೆರಡು ಮಂದಿ ವಿದ್ಯಾರ್ಥಿನಿಯರು ಪಂಜಾಬ್ ನ ಬರ್ನಲ್ ನಲ್ಲಿ ಇದೆ ತಿಂಗಳ 2 ನೇ ತಾರೀಕಿನಿಂದ 10 ನೇ ತಾರೀಕಿನವರೆಗೆ ನಡೆಯಲಿರುವ ರಾಷ್ಟ್ರೀಯ ಕಬಡ್ಡಿ ಕ್ರೀಡಾಕೊಟಕ್ಕೆ ಆಯ್ಕೆಯಾಗಿದ್ದು ಅದರಲ್ಲಿ ಹಿತೈಷಿ ಗೌಡ ಪಿ ಎಂ ಸಹ ಒಬ್ಬರಾಗಿದ್ದಾರೆ.
ಒಂಬತ್ತನೇ ತರಗತಿಯಲ್ಲಿ ಓದುತ್ತಿರುವ ಹಿತೈಷಿ ಗೌಡ ಪಿ ಎಂ,ಮೂಡಿಗೆರೆ ತಾಲೂಕಿನ ಗಬ್ಬಳ್ಳಿ-ಪುರ ಗ್ರಾಮದ ಅರ್ಪಿತಾ,ಮೋಹನ್ ಪಿ ಎಂ ದಂಪತಿಗಳ ಪುತ್ರಿಯಾಗಿದ್ದು ರಾಷ್ಟ್ರೀಯ ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆಯಾಗುವ ಮೂಲಕ ಶಾಲೆಗೂ ಮತ್ತು ಊರಿಗೂ ಕೀರ್ತಿ ತಂದಿದ್ದಾರೆ.
ಈ ಹಿಂದೆಯೂ ಹತ್ತಾರು ಶಾಲಾ ಮಟ್ಟದ ಕ್ರೀಡಾಕೂಟಗಳಲ್ಲಿ ಭಾಗವಹಿಸಿ ಹಲವು ಪ್ರಶಸ್ತಿಗಳನ್ನು ಹಿತೈಷಿ ಗೌಡ ಪಿ ಮ್ ಪಡೆದುಕೊಂಡಿದ್ದಾರೆ.
ಇವರ ಈ ಸಾಧನೆಗೆ ಶಾಲಾ ಆಡಳಿತ ಮಂಡಳಿ ಹಾಗು ಕ್ರೀಡಾಪ್ರಿಯರು ಸಂತೋಷ ವ್ಯಕ್ತಪಡಿಸಿ,ಮುಂದಿನ ದಿನಗಳಲ್ಲಿ ರಾಷ್ಟ್ರವನ್ನು ಪ್ರತಿನಿಧಿಸುವ ಮಟ್ಟಕ್ಕೆ ಯಶಸ್ಸು ಗಳಿಸಲಿ ಎಂದು ಹಾರೈಸಿದ್ದಾರೆ.
———————-ಪ್ರಕಾಶ್ ಕೆ ಕೋಟಿಗನಹಳ್ಳಿ
