ಹಾಸನ-ರಾಜ್ಯಾದ್ಯಂತ ಸಂಚರಿಸುತ್ತಿರುವ ಕನ್ನಡದ ಜನಪ್ರಿಯ ಜೀ ಕನ್ನಡ ವಾಹಿನಿಯ ಅಭಿಮಾನದ ರಥ ಅ. 14ರ ಸೋಮವಾರ ಜಿಲ್ಲೆಗೆ ಆಗಮಿಸಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
ವಾಹಿನಿಯ ಏಳಿಗೆಗಾಗಿ ಶ್ರಮಿಸಿದ ನಟ ನಟಿಯರನ್ನು ಸನ್ಮಾನಿಸಿ ಗೌರವಿಸುವ ಕಾರ್ಯಕ್ರಮದ ಮೂಲಕ ಅಭಿಮಾನಿಗಳ ಮುಂದೆ ಬರಲು ಜೀ ಕನ್ನಡ ವಾಹಿನಿ ಸಜ್ಜಾಗಿದ್ದು, ಜೀ ಕುಟುಂಬ ಅವಾರ್ಡ್ಸ್ 2024ರ ಓಟಿಂಗ್‌ ಪ್ರಕ್ರಿಯೆ ಪ್ರಾರಂಭಗೊಂಡಿದೆ.ವೋಟಿಂಗ್‌ ಪ್ರಕ್ರಿಯೆ ಜಿಲ್ಲೆಯ ಆಯ್ದ ಭಾಗಗಳಲ್ಲಿ ನಡೆಯಲಿದ್ದು ಅಭಿಮಾನಿಗಳು ತಮ ನೆಚ್ಚಿನ ನಟ, ನಟಿ, ಜೋಡಿ ಸೇರಿ ಹಲವು ವಿಭಾಗಗಳಿಗೆ ಮತದ ಮೂಲಕ ತಮ್ಮ ಪ್ರೀತಿ-ಅಭಿಮಾನ ತೋರಿಸಿ ಪ್ರಶಸ್ತಿಗೆ ಭಾಜನರಾಗುವಂತೆ ಮಾಡಬಹುದು.
ಅ. 14ರ ಸೋಮವಾರ ಬೇಲೂರು, ಹಾಸನ ಹಾಗು ಅ. 15ರ ಮಂಗಳವಾರ ಚನ್ನರಾಯಪಟ್ಟಣ, ಹೊಳೆನರಸಿಪುರಕ್ಕೆ ರಥ ಭೇಟಿ ನೀಡಲಿದೆ. ಕಲಾಭಿಮಾನಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿ ಓಟಿಂಗ್‌ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳುವಂತೆ ಕೋರಲಾಗಿದೆ.